喉嚨感覺有痰/鼻水 唔知咩黎

照你所述, 你挨夜之後又沒有充分休息睡眠, 引起鼻敏感, 鼻水帶有病毒, 流入喉嚨引起咽喉炎, 要服食抗生素消炎
服藥期間應配合治療, 戒口, 充足睡眠, 才容易痊癒, 否則好似你睇中醫咁, 醫極都唔好

你應檢討你的日常生活習慣和食物 ...
1.問下大家有無類近既情況 ,又醫唔醫得好?
當然可以醫得好啦, 不過由服藥開始, 以後都要戒口, 充足休息睡眠, 適量運動, 呼吸清新空氣, 增強肺功能

2.仲有應該注意自己邊d方面唔舒服,講俾醫生最有用?
照實情告訴醫生便可 ... 若仍未痊癒, 就應照實告訴醫生繼續治療
可以問醫生增強體質的方法, 通常健康好, 鼻敏感就容易痊癒, 不會復發

3.要戒咩口?
戒冷凍食物及飲品, 煎炸辛辣食物, 少食含糖份高食物, 容易惹痰
小心身體, 不要著涼

4.鼻敏感同喉嚨感覺有痰/鼻水有無關?
鼻, 喉, 氣管和肺相通, 當然關係很大 ...
鼻水內含大量污物, 病毒及細菌, 不斷流入喉嚨, 滋生更多細菌, 令你不斷發炎

5.仲有我喉嚨好乾 ,有時有小小想咳,一向用口呼吸 ?
你一向用口呼吸 ... 導致喉嚨成日都發炎有痰
用口呼吸, 會將空氣中的污物, 同時吸進口腔及喉嚨內, 十分不合衛生, 應戒掉這種壞習慣

6.無煙無酒,但挨夜?
做夜班挨夜不要緊, 但日間一定要瞓足7至8小時便可
當然挨夜引起你虛火上升, 鼻敏感較難痊癒

7.(自慰有無影響)?
完全沒有影響

你應愛惜身體, 增強肺臟抗病能力, 可參考以下食療湯水 ...
鱷魚肉, 西施骨, 南北杏各5錢, 川貝4錢, 大百合一兩煲陳皮3角, 薑4片, 蜜棗3粒 (感冒忌服)
服前可諮詢中醫師

我之前都有好多痰 同你情況一樣
不過把聲都變埋 跟住就睇e生
我同e生講 我好多痰啊 又有鼻水 之前都睇過 唔得!
跟住佢開左隻勁d既收鼻水藥 同化痰藥水 食左第2日就明顯好d
平時就飲多d清水啦 唔好飲汽水啦 早d訓啦同埋
喉嚨有係d野嫁啦 盡量吐到就吐 有時做下運動 都會咳左出黎 !!

呢d係我個人經驗 唔知幫唔幫到你

最後祝你早日康復啦!!!