我想問下鍚克教啲一啲嘢～~急

錫克教反對偶像崇拜同儀式，所以錫克廟入面唔會有任何神像

錫克教提倡人人平等、勞動價值、非暴力，佢哋反對性別歧視同偶像崇拜，亦都反對麻麻煩煩嘅祭祀儀式。


有四條教規：

1 唔畀食煙同飲酒。
2 一夫一妻神聖婚姻
3 唔可以拜偶像
4 終身遵行5K，即係五件事：留長頭髮（Kesh）;戴髮梳(Kanga)；著短褲、長衫過膝（Kachhera）；佩短劍（kirpan）；戴鐵手鈪（kara）；呢五件事都頭一個字母都係K字頭，所以叫5K，意思即係將道德、精神同軍事結合[1]。

集體就餐
集體就餐係錫克教一大特式，由第三世祖師阿瑪爾定出嚟，佢原意係打破印度傳統嘅種姓隔離制度而嚟，種姓隔離制度係將人分成唔同階層，然後每一種人都唔可以一齊(詳見：種姓隔離制度)。錫克教因為反對呢種制度，所以搞呢個集體就餐制，唔理乜嘢人，有乜嘢宗教背景，都走埋一齊食飯，三世祖師阿瑪爾仲試過請到皇帝同平民一齊食飯。

而家嘅錫克教仍然會開好多公共餐廳，畀啲窮人入去同佢哋一齊食飯。

錫克廟是印度其中一個教派,大家在街上看到個頭包到好大舊的印度男人,他一定就是錫克教徙,因為宗教的條例是不可以剪頭同剃鬚的,所以因頭髮長所以包到個頭好大舊.

鍚克教徒在外在的標識上除了包頭巾之外，手上戴鐵手環也是宗教的規定之一

錫克教錫克教 (英文：Sikhism)係喺16世紀印度西北部旁遮普地區，一個叫納那克祖師嘅人始創嘅一個宗教。最初錫克教係為咗調和印度教同伊斯蘭教嘅衝突而產生出嚟，試圖以和平、溫和嘅方式建立一個超越教派嘅統一宗教。但後來由於錫克教出咗個叫「卡爾沙」嘅軍事教團，令錫克教變成一個崇武嘅宗教。錫克教係一個一神論宗教，祖師納那克認為，神係宇宙唯一創造者、全能全知、公正仁慈，而且係唯一、永恆，至於其他唔同宗教所敬拜嘅神，只係同一個神有唔同嘅稱呼咁解。錫克教反對偶像崇拜同儀式，所以錫克廟入面唔會有任何神像，只有一本《阿底格蘭特》。《阿底格蘭特》係錫克教嘅聖典。錫克教有套祖師制度；佢哋認為祖師係神嘅使者，人一定要喺祖師指導之下修行，先可以解脫。錫克教徒鍾意一齊食飯，呢個習慣來自佢哋集體就餐制度。錫克教5K制規定唔畀剪頭髮或者鬍鬚，所以一世人都唔會飛髮，留到頭髮長一長，出街時捲埋一個蛇餅，然後用布包實，即係廣東話叫嘅「包頭」。錫克教基本教義簡單以三個觀念構成：「神、師尊、真名」，神即係指唯一嘅神，無論你信邊個教，其實都係同一個神。師尊即係指十大祖師，或者一本《阿底格特》代表晒。而真名就即係神嘅顯現形式。另外有四條教規：唔畀食煙同飲酒。一夫一妻神聖婚姻唔可以拜偶像終身遵行5K，即係五件事：留長頭髮（Kesh）;戴髮梳(Kanga)；著短褲、長衫過膝（Kachhera）；佩短劍（kirpan）；戴鐵手鈪（kara）；呢五件事都頭一個字母都係K字頭，所以叫5K，意思即係將道德、精神同軍事結合[1]。一神論 錫克教只崇拜一個神，係個一神論宗教，佢哋理解嘅神有幾個特點：獨一無二、宇宙唯一創造者、全能全知、公正仁慈。倫理 [編輯]錫克教提倡人人平等、勞動價值、非暴力，佢哋反對性別歧視同偶像崇拜，亦都反對麻麻煩煩嘅祭祀儀式。錫克教鼓勵教徒投入社會生活，同時推崇勞動價值，認為不勞而獲等如寄生虫。佢哋認為職業無貴賤之分，只要係自食其力，又肯同人分享成果，就係正確生活道路。佢哋容忍唔到一個人無所事事。錫克教提倡一夫一妻制，雖然亦可以離婚，但唔鼓勵。女性地位同男性一樣，可以一齊讀經，又可以擔任宗教聖職。組織 集體就餐 集體就餐係錫克教一大特式，由第三世祖師阿瑪爾定出嚟，佢原意係打破印度傳統嘅種姓隔離制度而嚟，種姓隔離制度係將人分成唔同階層，然後每一種人都唔可以一齊(詳見：種姓隔離制度)。錫克教因為反對呢種制度，所以搞呢個集體就餐制，唔理乜嘢人，有乜嘢宗教背景，都走埋一齊食飯，三世祖師阿瑪爾仲試過請到皇帝同平民一齊食飯。而家嘅錫克教仍然會開好多公共餐廳，畀啲窮人入去同佢哋一齊食飯。錫克人 錫克教徒以印度旁遮普嘅旁遮普人為主，因為宗教而變成一個民族，叫錫克人。錫克人亦最多喺印度旁遮普地區，但亦有分佈喺全世界唔同地區。由於錫克教尚武嘅傳統，錫克人好多都鍾意入軍隊做軍人，印度軍隊入面佔大半都係錫克人，而喺分佈喺其他國家嘅錫克人，都係傾向於搵返類似嘅工作，例如軍隊或者保安之類。錫克人認為身體係神嘅創造，所以唔會飛髮[2]，留到頭髮長一長，出街時捲埋一個蛇餅，然後用布包實，即係廣東話俗稱叫「包頭」，行出街一認就認到，同時亦留到滿面鬍鬚。錫克女人都鍾意著一種叫旁遮普服嘅傳統服裝。錫克人道德觀念同自律性都好強，平時都好有禮貌。自從第十世祖師戈德賓辛格要求所有錫克人喺受洗後，都要加「辛格(Singh)」喺個名後面，意思係「獅子」，象徵虔誠、勇敢、犧牲精神。之後所有錫克人個名都有辛格。香港同新加坡亦有好多錫克人，但因為多數人都唔識錫克人講嗰啲話，辛格個發音(Singh)喺廣東話同「星」同音，慢慢錫克人喺廣東話就有個俗稱叫「亞星」。 現代錫克教 印度獨立之後，錫克人諗住旁遮普可以有一個獨立自治邦，有自己一個錫克教地區，點知當時尼魯赫政府大隻講唔算數，令錫克人開始產生民族主義思想，爭取一個自治邦成為錫克教宗教領袖嘅一個主要議題，由於太多參與政治鬥爭運動，所以喺教義同宗教理論上都無乜嘢搞過。70年代旁遮普地區喺農業經濟發展上面快速成長，即所謂「綠色革命」，旁遮普生產高級糧品佔全印度幾乎一半，令旁遮普得到一個外號叫「印度糧倉」，由於經濟地位提高咗，自治嘅要求又成為議題，1973年通過「阿南德普爾決議」，將旁遮普語地區劃做一個「旁遮普邦」，但政府遲遲都唔肯落實，就算發動過好多遊行示威，政府都係用強硬手段拉人封艇。結果仲搞到部份錫克人開始激進，仲開始出現以恐怖手段爭取獨立，暗殺、爆炸、搶劫等，令旁遮普治安變差，恐怖份子之中，以賓特蘭瓦爾嘅組織最大，呢班人主要匿喺金廟入面。之後印度政府發動「蘭星行動」，衝入錫克教認為最神聖嘅金廟入面拉人，期間對金廟造成好多破壞，令鍚克教同印度教結怨，開始發生好多教派仇殺。旁遮普問題到而家都仍然未解決，係印度政府一個辣手問題。