有d關於我隻貓貓既問題!

你好!本人家中都有6隻貓咪(2-5歲),唔知可否幫到你! 《《有關減肥》》其實不能齋睇身型去決定貓咪是否過肥或過瘦!要睇埋體重品種!我的例子我常叫我家老四老五做瘦奀茄,成日覺得用手指掂下佢地就會散晒般!但醫生話佢地非常健康並冇增肥必要,因品種係普通家貓,身段重量統統係正常!但老三則相反,同你貓咪一樣,肚腩就dum到落地,行親路屁股都燸燸下!醫生亦建議減!但我同我媽咪都冇諗過特別幫老三減,但前排我地太忙,餵少佢一餐,一星期個肚腩就冇左!唔講以為佢去左纖體公司做機!之後媽咪冇咁忙,餵返正常,唔駛一星期即打回原形!建議其實同人一樣,食太多又唔運動,當然肥啦!所以可從食物量埋手,以及多郁動a) 得閒買支毛毛棒同佢玩,等佢跳下跑下會比較好!唔好比佢成日食飽攡屍!b) 糧食方面,我家乾糧全日無限量提供任食,另早午晚會再開濕糧(每貓一罐),另每日我會煎新鮮魚仔佢地食(1日1餐)!但我諗你貓咪應唔願玩吧!年紀大了,未必願郁,若肯就唔會大肚腩啦!因此可試試減糧或餐數!c) 其實可買專減肥用之貓糧,都係嗰兩大牌子,唔方便公開透露,我留電郵比你,有須要可介紹你,我見家中貓咪食得唔錯!由於你隻係長者貓,都要配合佢身體情況而定!但此貓糧係醫生認可配方的,較健康! 《《有關換糧問題》》換親糧多數都會有反應,絕對正常!不過,絕絕絕不能一次過全換,假設一向食開S品牌,你要換P,頭一星期要2/3係S,1/3係P,見佢開始習慣或冇特別反應(如痾嘔)就可各一半,慢慢再轉到全P!依家你貓咪有兩個可能性 :a) 只係腸胃唔習慣唔適應,遲點就會正常,有點似人的水土不服b) 直程唔適合,如有些人一食辣野會肚痾,食海鮮會敏感,飲酒會出酒”難”一樣!但我唔知你貓咪食咩牌子同實則情況,或者多講少少先答到你,但應不離上述兩點! ***大多數主人都喜歡自家寵物肥嘟嘟,比較可愛,其他同人一樣,唔係好,患心臟病糖尿病風險較高!===========================================================《《有關貓毛問題》》其實,咁啱近期我老二都有此情況,但養貓,又餵街貓咁耐都冇試過或遇過此情況!但我並不担心!1) 首先要明白貓係潔廦動物,全世界的貓都會自舔或幫同伴亙舔,此行為如人類起身會洗面刷牙,飯後撩牙抺咀,每天沖涼一樣!有時貓咪大小便後,我媽會用毛巾仔幫佢地抺屁股,免佢地用口舔有菌,但佢地好憎,常周屋走唔比我媽抺,因貓咪認為我地咁做係弄污佢地!我家老三,雖我亦係佢主人,但佢跟我媽多,有時我抱佢或摸下佢,佢都好”醜屎”地舔餐飽,因佢唔中意我的味留佢身上!所以你根本阻止唔到亦唔須要阻止佢此行為!2) 我發現一點(只係我觀察而已,醫學貓知識上冇提及過),貓除食飽,訓醒覺或無聊時會自舔外!當受傷或整親時亦會咁做,我見過好多次,佢地班友玩追,當跳躍時不慎撞到個櫃,撞親腳仔,佢地都會即時停低並舔下隻腳仔然後繼續玩!另外有次我不小心關門,夾親老二,腳指仔當場斷骨(心痛死)!佢尖叫後就即刻自舔腳指即係話,每次佢地覺痛或不妥時都會狂舔該部位!一直都如此,所以我先有留意到老二大脾內側同腳踭位有問題!因佢近期舔腳次數密得不尋常!3) 有關你貓咪請放心,毛一定會長,唔關年齡事,同人一樣,唔會話長者剪完頭髮就唔再生,不過,若然係地中海或遺傳性禿頭就另計!同樣地,貓唔會話自舔而攪到甩毛的,一定係皮膚出現問題先 如此!我家老二依家情況有點似生辣哩般,預左嚟緊會帶佢睇醫生,不過佢本身有病,唔知會否因此而影響!有懷疑過老二係咪同貓咪玩時被其他貓整親(冇乜可能,眾貓一向相處愉快)!你貓咪會唔會係喺家中跳躍時擦捐或撞親?有傷口但你唔發現,所以傷口發炎?若你唔話8歲我會估係蝨影響,但你係家貓又養左多年,應冇可能!4) 由於唔清楚你貓咪肚仔如何,但我建議盡快睇醫生免惡化,如普通皮膚病,醫生可能會開藥(內服)或比藥膏搽!皮膚病亦有好幾種,我非獸醫因此唔敢肯定你貓咪咩事,但即使我倆認識,貓咪情況一樣也好,我睇完醫生,都唔可以比老二支藥膏你搽,因每隻貓身體不一,尤其係長者貓,無論皮膚或糧食問題都要比年青貓格外小心! 唔駛太担心,只要貓咪食得訓得,一切都只是小問題(都要及早醫治,不要斷估),若有唔明,歡迎你電郵我啊!其實仲有好多貓經想同你分享,可惜篇幅有限!希望以上可幫到你! [email protected] Winnie Lee

1.狂抓皮膚:貓貓神志不安，頻頻抓自己的皮膚/毛,可能貓體有跳蚤
2.要狠心,比少D野佢食,同埋宜家有D貓減肥糧,上網尹下啦!
3.貓糧,最先要食返寵物店食開果隻先, 之後再轉你覺得好的糧,新糧最初要由十分一加在舊糧中,慢慢加多D用2-3星期 去等貓貓適應