✔ 最佳答案
施丹兄既問題非常難答,因為撒哈拉以南生活環境惡劣,以致生活一向非常落後,後又有殖民主義肆虐,根本無法發展高度文明。
小弟唔知道中世紀之前撒哈拉以南有乜野文明,只知道係十一世紀西非有一個馬里王國,範圍都幾大,當時國土大致上同今日馬里共和國相約。另外同時係中非亦有兩、三個較小既文明,但維時甚短。至於南非則有強大既祖魯王國,但時間已去到十八世紀,直到十九世紀荷蘭人及英國人相繼入侵先至衰落。
撒哈拉以南無法出現高度文明有非常合理既原因。首先非洲中部有大片熱帶雨林,而雨林地區從來都無出現過統一大帝國。瑪雅就係最好例子,瑪雅文明只係墨西哥中部各獨立城邦既統稱。之後雨林南北各有熱帶草原。熱帶草原與蒙古既溫帶草原不同,前者猛獸太多,亦無可被馴養既牲畜提供畜力,以致無法發展成熟文明。至於非洲南方既沙漠就更加係全球最乾旱既地方,寸草不生,更遑論有文明。撒哈拉以南地區直至殖民時代先帶來基本既文明,但即使呢一大片地區已全部被歐洲強國殖民,但由於自然條件太惡劣,再加上殖民者無心大力發展殖民地,於是直至二十世紀中期該地區仍然極端原始,直到現在仍然非常落後。