安排北海道5日4夜行程

✔ 最佳答案

北海道的確係一個好適合自由行既地方, 雖然地方, 但係主要地方都有 JR 連接, 可以話十分方便, 而且消費亦冇想像中咁貴... 但 5 日 4 夜行程, 扣除飛行時間, 就只得返 4 日. 所以要好好安排行程. 雖然我只去過一次北海道, 盡我能力幫你啦
札幌市內既景點其實可以 GROUP 埋一齊大通公園, 狸小路, 時間台其實好近, 狸小路唔係想像中咁多野賣, 我地行狸小路只係因為要打發時間而已. 可以考慮一早出發去旭川, 如果唔去拉麵街, 大約 4 點就可返到札幌, 咁樣一樣去到以上景點既. 白之戀人就臨回港先去啦. 小樽地方細, 但如果要慢慢行既, 可以用晒你一日時間的... 所以要考慮邊 D 景點你想重點參觀, 否則就好難預算時間. 登別就遠左 D 啦, 一日來回好趕好趕, 如果係我, 我會咁樣安排行程.

第 1 日: 香港 - 札幌 (晚飯食蟹宴)
第 2 日: 札幌 - 旭川來回 (午餐於旭川山頭火, 晚飯食烤肉)
第 3 日: 札幌 - 小樽來回 (早餐於二條, 午餐於小樽出拔小路, 晚餐於札幌
食蟹放題)
第 4 日: 札幌 - 登別來回 (時間好緊迫緊迫...)
第 5 日: 其他札幌市內景點.

11 月中已經入冬啦, 當然已經過左花季啦. 而北海道既紅葉季係 10 月, 11 月都已經冇了... 你可以參考日本的紅葉情報 http://weathernews.jp/koyo/

JR 既費用其實幾貴, 札幌去旭川或登別單程指定席車費都要成 4000 幾 yen, 所以買張 JR 3 day Hokkaido Pass 比較著數, 來回機場就買普通既車票, 自由席好啦, 每程企 30 分鐘, 加埋慳成 800 yen 架. 成碗拉麵係度 lor. 用 JR Pass 既日子, 就梗係搭指定席啦.

係香港買 Pass ok, 但我上次就係新千歲機場買既, 我地買 10 張, 職員 20 分鐘內攪掂, 好快手1. 聽朋友講, 係香港買冇咩著數, 反而匯率仲冇咁好. 不過我自己認為, 如果只差 10 幾蚊既, 我就會係日本買啦, 特別係北海道, 因為識講英文既人唔多, 而機場售票既職員又識講英文, 所以佢係問問題既好幫手 ^^

如果唔計機票酒店, 車費預算 20000 yen, 每日食既 20000 yen, 加埋買下小手信 12 - 1300000 yen 已經夠用, 唔夠咪用信用卡 lor ^^ (p.s. 我同太太去 8 日 7 夜, 又滑雪又溫泉酒店, 又蟹宴又烤肉, 真係冇睇銀包駛錢, 都係用左 330000 yen... 當然, 帶多少少係好既...)

手信方面, 如果你 d 咩朱古力呀, 食物咁樣, 就去機場先買啦, 一樣包裝一樣價錢... 唔駛拎餐死既...

另外北海道既日本人真係唔係好講英文, 所以有咩問題最好係酒店問晒佢. 而我係北海道見到英文最好既人係札幌 JR 站入面一個著紅色制服既女職員, 佢應該係解答乘客問題既, 但同樣好 HELPFUL, 人又靚, 連千7太太都話佢娶得過... 哈哈.

回答 (1)