✔ 最佳答案
Q. 1:港澳碼頭附近沒有酒店, 最新既係新麗華酒店或京都酒店, 係碼頭搭3號/3號A/10號巴士在葡京附近下車再步行前往便到, 這2間酒店我都住過, 價錢合乎伙既要求, 不過我會建議你住新麗華好D, 因為新年翻新裝修過, 而且係碼頭有專車免費接你去酒店, 唔駛怕唔識點樣去酒店同埋可以慳番D車錢及時間.
新麗華酒店
地址: 澳門約翰四世大馬路
電話: +853 2871 0111
網頁:
http://www.hotelsintra,com
香港免費查詢熱線: 800 969 145
免費專車車站: 出了碼頭後, 一直行就找到. 記得出左境係你既右手邊既遊客中心取免費地圖及巴士路線表才出碼頭大堂.
Metropole Hotel
京都酒店星級︰3星地址︰澳門南灣大馬路 493-501號電話︰(853) 28 388166網址︰
http://www.macauctshotel.com/metropolehotel/index.php
Q.2: 由港澳碼頭點去間酒店:
新麗華有酒店專車, 如不搭專車, 可搭3/3A/10號巴士
京都: 3/3A/10號巴士
Q.3: 3.間酒店有咩野食?
京都既2樓有一間酒樓, 價錢合理. 但請注意: 澳門成日有鹹潮, D食中會帶鹹味, 如果你係飲茶時覺得D茶OR滾水怪怪地味是正常的, 你可以先係酒店房間煲一次水飲下先, 如果飲唔慣OR當中有人高血壓就唔好飲, 去買樽裝水. (如果要買樽裝水可以去澳門本土的超市買: 例如來來超市OR新苗超市, 澳門是有百佳的, 但貴過來來OR新苗)
4:請見下面
DAY 1-DAY3Q. 5: 是的, 我次次都係去中旅BOOK的. 但有時會去下油麻地, BUT少D.
2010-08-25 22:02:09 補充：
行程1:
早上抵達澳門後, 你可以在碼頭搭新福利3號, 3號A巴士或澳巴10號線去議事亭前地, 然後步行前往大三巴牌坊. 再行上少少就會見到澳門大炮台+澳門博物館(博物館逢星期一休館). 之後可以在大三巴再步行5分鐘去聖安多尼教堂及白鴿巢公園. (當你落完大三巴前面的樓梯, 面向大三巴牌坊時, 你的左手面有一條路仔, 沿路仔行5分鐘便到戀愛巷及聖安多尼教堂及白鴿巢公園, 果條路仔有好多古董賣的), 跟住可以去埋附近的澳門消防博物館, 地址: 澳門連勝馬路2-6號.
2010-08-25 22:02:20 補充：
中午可以在議事亭前地中央郵局附近的黃枝記食LUNCH, 主要係食中式粥類及粉麵. 下午可以到福隆新街睇下一些特色的街道(福隆新街在議事亭中央郵局對面的澳門民政總署旁邊的橫街入去, 整條街的門窗都係油上紅色的油漆), 然後在新馬路搭澳巴10號線, 在總站落車便到達媽閣廟及海事博物館. 之後可以去附近的主教山小堂.
2010-08-25 22:02:38 補充：
行程2:
早上可以去盧廉若公園及二龍喉公園舒展一下筋骨. 二龍喉公園係有纜車上松山燈塔的. 燈塔旁邊有一間聖母雪地殿聖堂, 始建於1626年. 之後可以搭車前往氹仔, 你可以在氹仔的益隆炮竹廠下車, 到龍環葡韻睇萄國的特色住宅(此處是澳門八景之一), 整座building富有萄國的色彩以及用粉綠&白色為主色. 如果想入埋屋睇的話, 最好是在星期日及5時前去到. 因為在出面睇座building係唔駛$$, 入屋參觀要比入場費, 而星期日入屋參觀是免費的.
2010-08-25 22:02:56 補充：
中午由官也街行大約10分鐘便可以去到富有中國色彩的花城公園遊覽+食Lunch, Lunch後去四面佛. 下午茶可以去大利來記食馳名的豬扒包及絲襪奶茶, 不過最好要在3:00pm前霸定位, 因為大利來記每日3:00pm會有新鮮的豬扒包出爐, 到時會有好多人去食, 遲D去的話就會賣完無得食架啦! 之後去返官也街買手信, 你亦都可! 以去官也街9號A的莫義記品嚐特色的三色大菜榚, 如果沒有記錯的話, 應該6-7元就有交易(營業時間至晚上七時半). 晚上可以去附近的熊貓餐廳食地道的萄國菜及去威尼斯人渡假村. 請緊記要預鬆D時間由氹仔出返碼頭, 因為預左會有少少塞
2010-08-25 22:03:11 補充：
行程3:
早上可以去路環的黑沙灣OR竹灣等海灘踏下水, 之後可以去路環西部的石排灣郊野公園行下山及去郊野公園內的土地暨自然博物館. 中午出返去路環市區的聖方濟各教堂, 教堂前有一個具葡萄牙傳統風格的廣場, 廣場兩旁設有餐廳和咖啡廳可以食Lunch. 另外, 還有一座紀念碑, 紀念路環市民在1910年戰勝海盜的事跡.
