✔ 最佳答案
狗狗已經又痾又嘔, 你再餵固體食物俾佢食, 只會令佢痾嘔持續, 腸胃無得休息. 痾到腸損埋, 仲有可能受感染變腸炎.
人感冒都冇胃口la.
建議你先停食, 成犬 24hr. , 幼犬 12hr., 俾腸胃休息. 期間補充 :
1). 葡萄糖水 -- 得力x葡萄糖粉開水. 因為狗狗有病又冇食野, 要補充體力, 可以開甜少少, ie. 你可以飲到甜味. 狗狗飲到幾多俾幾多.
2). 電解質 -- 樽裝寶礦x 開水, 1:1, 如果你用粉裝, 開建議份量的2倍水. 因為肚瀉會令電解質失衡. 依狗狗體重每一公斤補充5cc電解質.
清腸胃之後, 肚瀉情況應有改善.
這時候腸胃仍然疲弱, 應餵食容易消化又高營養的食物.
狗鑵頭是較易消化, 但油膩易引發肚瀉, 營養不足又多調味, 不宜餵食.
狗糧乾硬難消化, 梗腸胃, 易做成損傷, 不宜餵食.
建議餵食雞胸肉/雞柳, 少油膩, 高蛋白質又易消化. 雞肶多脂肪, 油膩, 不宜.
最好是新鮮的, 超市急凍的也可以. 解凍之後, 隔水蒸熟(用滾水烚熟都可以, 但營養流失較多), 不加油或調味. 攪拌機攪碎或盡量砌碎, 有助狗狗消化.
葡萄糖, 電解質可以繼續補充.
初期為淨肉碎, 盡量少食多餐. 約4-6餐.
病好才慢慢轉食肉碎粥 > 雞肉飯 > + 浸淋狗糧 > 正常
如果淨肉碎都嘔, 食唔到, 可以嘗試"浸雞水".
將雞肉攪碎, 浸入涼開水. 水剛過雞肉面, 置於雪櫃下格最少12hr.
倒出雞水, 不要肉. 將雞水煮沸, 放涼, 餵狗狗飲.
祝狗狗早日康復!! 加油!!!
2010-08-26 03:17:52 補充:
嘔藥丸, 因為狗狗腸胃疲弱易受刺激, 藥丸太硬刺激到所以嘔.
可以將藥丸壓碎+少少水, 用針筒(除去金屬針頭, 或用寵物餵藥針筒, 獸醫診所有售)餵食. 冇咁易嘔番出黎.