IS鏡頭 VS USM鏡頭

那很難說,要視乎你是拍甚麼題材.正如問F1賽車定吉普車好那樣,如果不說明在那個場地比賽是沒有意思的.
兩者都對畫質沒有影響,主要是幫助你成功拍到一張照片.
IS作用是防手震,最大用途是在長焦距或低光時拍攝.手震在非常高速的快門下是不會怎麼影響相片的,因為只震咗好小相片已經拍攝完成.另外在用腳架的情況下也是沒有作用的,IS只能防二至四級安全快門,腳架卻是無限的.
如果你經常都係用短焦距鏡頭,在光線充足的情況下手持拍攝,或者一唔夠光就用腳架的話,咁IS幾乎係冇用的.但有一個例外,長焦距鏡頭的話,就算用腳架都有防震好啲.因為可以減去好輕微既震動.
越長焦距越需要IS,所以有啲人話短焦距就冇需要,這是錯的,除咗焦距之外,光源強弱也影響快門速度.室外出猛太陽當然唔需要IS,但一入室內快門速度就會變得好慢.即使短焦距都會有需要.
有興趣可以睇下以下網頁
http://www.juzaphoto.com/eng/articles/image_stabilization.htm
USM
至於USM可以睇做對焦快同靜啦.這主要是針對高速題材例如影運動,飛鳥等.除咗要用高速快門外,對焦速度也很重要,話之你有1/8000秒快門,對唔到焦照片一樣失敗.但要小心USM都有分真假的,一般平價鏡頭既USM只係micro ring type.速度其實同用機身推冇USM既鏡頭差不多.只有真正ring type USM先會明顯快咗.而原廠網頁通常唔會講實際係用咗邊種USM落支鏡度.
以下網頁有好多鏡頭測試,買鏡之前最好睇一睇.
http://www.photozone.de/Reviews/overview
至於會快幾多我冇數據亦支支鏡都唔同.我覺得影一般題材其實冇都冇所謂,但去到關鍵時刻.快就係快,成功率可以差幾倍.
去到最後如果唔想分析既人又會去翻嗰句,究竟二揀一買邊種好.我覺得如果一般用家既話,IS既作用會比USM大.