我有個朋友唔知點解總係料事如神,
佢咩都估得中,
有d野我未開始諗佢都已經諗到(我呆住左,完全冇諗到),
而且我問佢野佢係即刻就答到,轉數好快,諗野都好全面。
究竟我係唔係應該要邊傾邊諗,唔好係咁講??(因為傾計都係我講得多d)
點先可以聰明d,轉數快d,諗野全面d呢??
或者我舉d例子 1.有一次我同佢仲約左另一個好朋友去玩,但係後尼果個人唔尼得,跟住佢就估到果個人同佢以前個fd去玩而唔同我地去,我個陣先諗到''係喎!'' 2.我地2個因為有d事想請果個朋友幫手,本來就應丞左,但係後尼又反口,我同佢講返,點知佢就話''一早估到啦'' 3.我係到寫緊比佢嘅生日卡,但係佢又行埋尼,我唔想比佢睇到就翻去後面扮數卡上寫字嘅果d行數,點知佢就話''你根本就唔係想數野,你係有野唔想比我睇,係咪?''
4.我另外一個朋友好中意玩心機,佢成日將佢自己中意果個人同其他人扯埋一齊講,我問我個朋友點解佢要咁,佢又好快答到話其實佢係想人地再咁樣話返佢 5.因為佢同另外一個朋友都好驚鬼,我反而就唔驚,咁我就上左一條好黑嘅樓梯(我地玩緊),根住佢就同另外果個朋友扮走跟住''呢''埋引我出尼,點知我真係中計 6.好耐之前有意外話一死兩人重傷,後尼變左兩死,我又係冇諗過就問點解就問佢,佢即刻就答到可能有個重傷但係後尼死左,我又係果陣先諗到''係喎''
7.我有一次去左超市買野,點知冇哂,我就諗住去問下仲有冇存貨,佢就話d人一定會話冇哂,我又冇為意,點知佢真係咁答我 綜合以上資料我覺得我自己真係好蠢,轉數又慢,成日都呆住反應唔尼,再加上諗野靜係諗一個方向,反觀我個朋友好聰明,轉數反應都好快,有問即答,經驗比我地同年嘅多,而且諗野好多角度,多方向,辦法又多,點先可以咁樣??
其實我係想聰明d,諗野呀反應轉數要快,同埋我想識轉彎d,仲有我推理,理解同分析力都唔係太好,表達力我最差,而且我唔夠細心,d抽象觀念我完全唔理解同接受,頭腦又唔夠聰明清晰,而且思考又唔夠多角度,深入,我靜係局住一邊諗,有時直程呆住左,反應唔尼.. 雖然係多左d,希望你地可以幫下我,我已經煩左好煩嫁啦...thx~
係呀,我真係好依賴其他人。咁點先可以獨立d??仲有我想問下諗野係唔係思考嘅書面語,定係兩者有分別?其實我有思考過,不過就尼唔切反應,我思考比較慢,要點先可以改善??thx~
