我想煲猪脚姜

1) 要用瓦煲煲, 不可用钢煲.

2)先買薑, 刮皮吹乾,煲前用刀 拍下, 大細隨意, 大概如蛋大少便很容易入味, 用少許油爆下放入瓦煲, 如果自己食則按自己食量煮, 十斤薑便夠自己吃了, 如要送親朋戚友便要加多的, 薑要煲上幾日才入味而醋要蓋過薑面, 通常五斤添丁甜醋要加一支黑米醋, 如果去八珍買會教埋你配什么醋的.

3)豬手要洗淨出水,拖熟才放入醋內煮, ( 吃前两日才放豬手), 因很快淋及入味,其實煮一会焗下, 再浸半天, 翻滚再焗下便淋的, 醋很容易滾瀉, 因此每天煲滚再浸焗便成, 如想豬手好味便要放少量食鹽入醋內.才帶出豬手的香味.

4)鷄蛋浸半天便成多過一日便太硬, 各人口味, 有人放咸蛋, 据講十分好吃.

祝你萬事如意.

薑醋要浸一段時間先可以食, 所以你依家開始整都啱, 唔早啦, 你都要惡露過左先食得

薑醋唔可以用金屬煲, 一定要用瓦煲

要先煲薑醋, 豬腳同蛋稍後先落

你想煲幾多薑醋? 剩係俾自己食? 定諗住生完要派埋俾人呀??

你依家先去買啲大肉薑先, 連皮洗乾淨表面既泥, 可以用舊牙刷刷吓表面同啲窿隙位既泥, (自己食最少都要買五六斤)

放喺通風地方吹乾, 吹乾晒之後, 用隻大湯匙將薑皮刮落嚟, 薑皮用密實袋裝好, 留作產後煲薑皮水洗頭沖涼.

薑切大薑, 大約一個乒乓球咁大, 用刀背略拍扁, 燒熱鑊用少少油爆一爆啲薑

之後薑和甜醋放落大瓦煲內煲滾, 熄火, 如是每日都將薑醋煲一次,

豬腳同蛋都係臨食前一兩日先放落去

建議你去雜貨舖買"李祥和"牌子既醋, 這牌子既醋, 已經啱味, 唔係之後再落酸醋

如果你先用八珍甜醋煲薑, 之後落豬腳同蛋時要另外買支酸醋落去, 註: 酸醋要喺雜貨舖買, 唔係白醋或者洋醋.

份量問題, 我先找一吓張menu先, 遲啲再補充, 你先買薑處理一吓先, 吹乾都要三兩日!!

另外, 如果要派俾人, 可以買現成的, 八珍甜醋既舖頭有得買, 一大瓶, 自己食都都, 拎番公司派又得; 仲有係鴻福堂有薑醋禮券, 買嚟派俾人, 等佢地自己去攞又得, 咁樣方便啲!!

煮姜醋絕對不能用钢煲!!!!!!!!!!!!!!!!!!!!

即使盛放的器皿亦不能用钢煲!!!!

其實煮姜醋早幾個月開始都可以, 會更加入味tim~ 所以妳現在煮是無問題啦!

最緊要係煮姜, 煮姜時間長才夠香~~不會辣, 不辣好意頭 ^6^代表孩子會聽話law~~~

記住豚要先放頭腳, 有頭有尾的意思, 蛋就食前一天放下, 這樣才更好吃, 又意頭~!!!!!!!


加油啊~媽媽, 生產順利喲~

2010-08-23 11:11:35 補充：
材料多少隨個人喜好~~最緊要放足夠姜醋, 不然不夠送給朋友啊~~~

2010-08-24 14:14:41 補充：
保存的方法是每日都將薑醋翻煲一次啊~~