父母之間冇感情:(

夫妻（你父母）冇感情住在一齊又唔離婚嘅家庭， 在全世界應該有一半以上。你阿媽呢一種妻子在家庭裏亦不少見，佢要將佢嘅不滿發洩出來係唔會理會聽嘅人有乜野感覺。雖然你可以對佢講： 你唔好怨阿爸， 不如怨自己揀錯人啦， 點解你唔嫁李嘉誠？當然你唔可以咁講， 不然你就變咗同佢鬧交。

你阿媽對生活不滿， 日日鬧人發洩， 呢一種係憂鬱病嘅表現。你同你阿爸就要日日聽。你地唔可以出聲， 因為佢好想你地有反應，就繼續鬧落去， 你可以勸你阿爸不要反駁， 因為既然日日反駁都冇用， 不如等佢鬧到攰， 鬧到冇癮， 就收聲。

有人話屋企日日鬧交， 夫妻仍有感情， 因為仍然有興趣對鬧， 到咗大家唔楸唔睬， 至冇得救。

你出生在這一個家庭唔係由你選擇， 你亦都唔可以改變佢地， 唯有改變自己， 就係習慣這個環境， 直到自己有能力離開， 等佢地繼續鬧。

如果你知道佢地根本係有一啲要解決嘅問題， 可以建議佢地去搵社會機構·如明愛等去求助。

2010-08-23 05:08:53 補充：
或者你可以從你阿媽點解鍾意埋怨呢方面想， 可能佢做工嘅同事，或者朋友喜歡花錢（不一定有錢） 常常在你阿媽面前【嗮命】（好多香港人都鍾意踩低別人， 抬高自己）， 呢啲人嘅說話同表現就會俾你阿媽一種壓力， 使到佢覺得事事不如人。 咁你可以試下開解佢， 同佢講你地而家係一個小康之家， 家庭幸福唔係由錢決定， 你地一家人可以快快樂樂咁生活， 就比成日顧住使錢， 要在人前炫耀嘅人開心。如果佢嘅心結解開， 就會享受家庭和諧， 唔會成日怨。
佢有一個咁乖， 咁關心家庭嘅女（仔）， 就已經值得佢開心， 驕傲啦。

如果結咗婚起碼10年,
佢地感情可能開始變淡咗
但係5會離婚,(因為有你)
你多同你爸媽講下之前既恩愛史
令佢地既感情好d
如果你老豆+用俾得少
你問省d lo
一家人麻

你以上講系兩個問題 :

1) 父母之間冇感情

2) 老豆搵唔到錢 ( 系經濟問題 )

1. 雖然佢地話冇感情但吾一定= 會離婚 ,

感情事由佢地解決 ,
系適當時侯 , 多同佢傾心事幫佢發洩情緒
但你可以主動約佢地去街 / 多攪活動 !

( 可能會增進到佢地感情 )

2. 可能你要盡快幫手養家 ,

你媽講到出口 ,

可能財政問題已經好去到嚴重地步 !

( 因你爸搵吾到錢吾系今日的事 ,
佢吾會因為甘嫌你爸窮 ) !
多會系感情問題, 吾關錢事 !

大人 ge 野， 留番大人自己去處理， 妳做好自己本份就得啦 !