有冇人可以請我做野?

首先 我好認同Ida所講
你已經有7個月身孕 真係好難搵工
一來人地都會顧慮到工作上會唔會令你出事 都怕到時真係有事會被追究
所以就算有人比面試機會 取錄既機會都會減低
二來 你懷胎去工作 又要湊女又要照顧家庭 我都怕你身體頂唔住…
所以都係等你尼一胎出左世之後先再搵比較好…


然後 關於就業方面 你指明因為要湊女所以只做part-time 又set實左個時間
雖然我好想叫你生完bb就上勞工物色下有無咩工作甘你做…
但係真係好難甘巧合有一份合條件既工作…

真係有既…我只能想到係m記…
我都係m記做緊…雖然份工麻麻…但普普通通都有$23/hr …
有得賺或者賺住先都好過無…
好多偏排更表既經理真係會依你既時間而按排你番工既時間

不過如果你最後真係做m記嫁話 你一定要預好時間放工
因為放工既時間有時候都好睇經理既為人同埋果段時間忙唔忙
所以你最好都係set 9.30am-3.00pm尼段時間比較好…
就快放學時間普遍都會比較忙 所以最好預定d時間放工

如果你囡囡番學都係係馬鞍山附近 你可以係佢學校附近做住m記先既…
一來方便自己番工放工接送佢 二來又唔需要浪費幾程車資
當然你最好去幾間m記交表 有個保障啊嘛…
就算最後間間都請你 你都可以話xx果邊間m記已經請左你而回絕其他m記

我相信kfc都應該係好似m記甘樣的…所以你都可以考慮kfc
但pizza hut、壽司店果d…
就算係part-time 都係要求你可以番長時間 而且尤其係繁忙時間
所以你去見工嫁話 唔好抱太大祈望…[sorry…講到有d在灰OTL]

除左以上既建議之外…
其實你有無諗過幫身邊既朋友湊bb或者做家務??
如果你身邊有朋友忙於工作 照顧家庭既時間好少…
你不妨可以問下佢地可唔可以當聘請你甘樣去幫佢地照顧家庭…
雖然我都明白好難問出口…尤其是關於錢銀方面…
但問下都好…比自己一個就業機會…
另外勞工處最新職位空缺果度 我有時都會見到有人專請人做家務煮飯的
但時間同地點方面就唔一定就到你…
不過你可以都試下去搵下 睇下搵唔搵到一份近近地又時間OK既工的!! =)


我既建議可能唔係甘好…但都希望幫到你…

不過你而家都係一心一意等bb出世吧!
唔好比自己太多壓力=) !!
最後 祝你順產同埋母子平安^_^!!

你咦家有左 bb , 做野遲 d 先 !

( 加上一般老闆見到你大住個肚都吾會請 )

因佢驚你有意外佢要負責 / 做幾日又吾做....

所以等你生完先做+ 兩個小朋友都需要你照顧 !

佢地人生為錢系佢地事 ,

你有權選擇以咩為重要 : 子女 / 老公 ,

如果你真系出去做野 , 就會冇時間照顧佢地 !

到時佢地一樣可以講難聽說話 !

加上你都有幫手做家務, 點會系白食白住 !

其實你現在係好難搵到工做, 因為你已經有成7個月,就算你唔要產假都唔會有人請. 不如你一心一意等BB出世後先搵工啦