我不明白.為什麼人可以做得那麼假.

人會變得貪圖便宜,自私自利,都是因為思想被這污濁不堪的社會所侵蝕,
人看見自己的利益比別人少時,貪婪,慾望便通通都來了‧
即使是家人/長輩也難免有以上的一幕,被金錢慾望而沖昏頭腦‧
的確很可怕,但可恨地卻無法避免‧
朋友當然也一樣,在自己身邊只是看看能從旁拿多少利益,
沒利用價值,便隨意拋棄,由如垃圾‧

其實錯的根本不是你.
做人最基礎的原則,
是無邪純潔,不斷付出,但不求收,
只希望能從友誼裹取得快樂,
這已經非常足夠.
不會出現背叛,出賣,利用.
但在近世之中,只是被人欺騙,宰割的羔羊,
被社會扭曲成是愚蠢的象徵‧

朋友很多時不是單單只靠短短數小時,數天便能了解,
要真正懂一個人是需要時間,
但自己不付出,豈可要人明白自己真正的心意.

我同意現實真的很可怕,同時真心知己確是難求,
要維繫人與人之間的關係更是難上艱難.

但我覺得因害怕別人出賣,
利用而不敢向人付出這想法是錯的.
別人究竟是怎樣,我覺得你可以不用理,
你對人真心,這不是你的錯!

我們要堅守著做人最基本的原則,
我們不可能每次都因那些只顧自己享樂,不理他人死活的思想去影響我們,
改變我們,錯的是他們,
我們不應為那些淪為社會金錢的奴隸而垂頭喪氣,
更不應為他們而改變自己的優點與長處,

現實是殘酷的,正因如此我們才有動力要去美化這世界,
知已是難求的,
因為人在生命當中往往會產生很多貪婪,慾望,
但我們正因是人,有自制的能力,有抑制,有制止的思維,
知已是需要一同磨練,經歷,要經得起時代的煎熬,可以共患難,
即使不溝通,不見面,關係也是能緊緊地連在一起,
但要做到知己先要條件就是自己一定要付出,
是要不求回報,
做人不是付出多少,收獲也多少,
但不付出,連期待收獲的一刻也沒有.
人不怕沒知己,也許只是緣份未到.
到了,有了便要好好珍惜.

人是沒有什麼快樂的方程式,也不能計算怎才可避過傷害,
人是要去面對,經歷過後才會有得著,
怕跌的人永遠連站也站不起來.
要有不怕痛的心,才能跳得更高,跑得更快.
傷害只是人生其實一步,往後還有更多更遠的路要走.
不能氣餒.

我人與人之間的關係聯係在於不求回報,
不求收獲,肯付出,
去接受,承擔付出的後果.
首要條件是要別人快樂,再自己快樂.
其次要學懂獨處,人不是沒了誰便不能生活.
獨個兒的時候,要學習怎去面對,這也是非常重要的.

我慶幸身邊有2位知己,是一種福氣.
要無私地付出才能有寶貴的收獲.
付出看似沒收獲,
但願意付出的人,往往學的都比別人多.

祝你盡快想通,擺脫煩瑣的生活.
不快樂的時候我是願意陪人傾訴的;]
BY;哥子

你只係未習慣現實世界唧~~~
可能你年紀尚小, 過多十年八年, 你可能同依家有不同既唸法.

單純? 純真? 越呢越少呢d人啦. 依家連小學5年級都懂得發生性行為, 小學一年級已經懂得講大話, 佢地有幾純真? 小學三年級已經識得玩排斥啦. 你都有眼見格. 唔使教佢地都識咁做, 即係人天生就係咁架啦.

就算你對人好真誠, 樂於助人, 人地只會覺得你蠢, 呢d就係現實. 你對人好, 最終會惹來一身屎.

好人難做呀, 否則點會大部份人都寧願做衰人? 你對人好, 對方只會將對你既要求升高, 最終你會吃力不討好. 又或者, 你會成為對方既出氣筒, 令你後悔不已, 恨不得插佢幾刀. 一係做兇徒, 一係做衰人, 你想做邊個?

對人保持基本既禮貌同尊重已經足夠.

見到你呢編文章真有點高興, 你個人好有heart 好難得.
我都有咁既疑問, 後來因為遇到既事情多左,就算係親戚 or 朋友都有好多人係咁... 人可以係話假, 可以話係自私..
可能到左一d位既時候, 我地都會自私... 只係你今日介意既野覺得如果係你你唔會計較...
好似我親戚, 個個都係咁, 一講到錢, 從來只有佢要人幫, 冇人會要佢幫, 因為佢跟本唔會幫.
我覺得我地對朋友之間係應該仍抱著真誠既態度, 如果佢對我都冇咁既真誠, 我唔會同佢做朋友, 我只會愛惜愛我既人, 如果一d朋友係咁, 我會勸佢, 勸佢唔聽, 我都會離開佢, 做番自己. 當有一日係因為你朋友自私而你要離開都唔需要傷心, 自問冇做錯就冇問題la.

至於親戚因為呢個關係係冇得脫離而且冇得選擇既, 所以你幫到佢既就幫, 幫唔到佢可以大家唔搵.. 新年大時大節先見果幾次, 果果陣先聯絡下感情囉, 如果佢地有咩事當然要去關心下, 講到錢就唔好. 不過上一代既事我就唔敢加手la...媽咪呀爸鍾意點幫唔到我去理, 我只要做好呢樣野就ok- 愛父母, 愛家人.

其實朋友親戚都係其次, 只要對他們問心無愧都ok, 重要的是愛愛我的人.愛家人.

以上只屬個人意見, 不喜易插.

對喔,
這個世界的人就係咁現實,
因此睇野唔好睇得咁表面
當然,真心的朋友係小咖喇,
但係相信總唔會冇嘅
加油=]

你真心對人未必得到對方的真心對你,所以有時不要太表露自己的弱點,人就是這樣,一看到你的弱點,就會利用你的弱點,還有,不要太容易相信人,想找個真心的知己,真好難好難,還是自己做自己喜歡做的事,未必一定要知己的.

自私係人類本能的產物,
120%唔為自己著想, 無為自己利益諗過的人
好抱歉,
並唔存在喺地球上,
正因為有自己重視, 珍惜嘅野
先會有自私嘅一面,

呢個世界壞人多,好人都多,
好人多, 但係夾得黎嘅少,
唔使咁急搵知己
或者睇邊個真心唔真心,
記住世界上得兩種人,
朋友&好朋友,
只要用真心&良心去對待人就一定搵到,

人有思想, 有感情,
睇環境做人做事係必要,
可能有時咁樣會令你睇到虛偽嘅一面,
但係亦有好多時候會減少傷害,
太過坦白都唔一定係好事,係咪?

同人相處其實唔難,
最緊要自己開心,
並唔係話要傷害
或者好自私咁對其他人,
而係做每樣野都對得住自己良心,
同朋友相處係, 同親戚相處都係,
咁先可以安心得落, 開心得落架嘛,

唔好諗得人太衰,
每個人做每樣野,有咩性格, 都有佢嘅原因,
年代, 家庭, 經歷,
總之世界上一定有好人,
一定有人同你夾,
可能你未遇到,
不過呢刻做好自己, 多d體諒人就夠啦^^

先要睇反你有多珍惜段關系 ,

如果系好珍惜 ,

佢對你點 , 你都吾會太介意 / 抱怨甚麼 !

佢為咩原因要同你做朋友都好 ,

只要你覺得值得 , 你就會去做 / 去付出 !

= 愛情一樣 !

就算佢吾會為你付出 D 咩 , 你都會付出你所有 !

單純真心對別人卻換來傷害自己心靈?

只要你識保護自己 / 分辨是非 ,

根本冇人可能傷到你 !

更要睇交心對象為人系點 ,
冇理由知佢會害你都同佢做朋友 !

我覺得人本來就有不同既面貌
唔好話人地喇,有時我地自己其實都好假架
對住自己唔鍾意既同事,上司,老細,老師,都要扮到好似好FD咁
係咁架喇
人就係咁
但係我總係覺得你對人好,人就對你好
就算我唔鍾意個個人,咪唔好理佢囉
反正又無惹到我
自己做好自己咪得囉
而且我認為唔應該因為呢個世界既人係咁假
而去選擇自己收埋自己
我覺得要將心比心
用真心去結識朋友
如果人人都想唔被受傷害而人人都收埋自己
咁世界無左真心,呢個世界咪好可憐囉