請問歷史上最天才和最蠢才的戰略、戰術是幾個?

✔ 最佳答案

樓主呢個topic夠有趣，小弟比啲意見。

講下最蠢既戰略戰術。由於太多，小弟只講啲我印象最深既。有啲高階將領實蠢到匪夷所思，當中以拿破崙時代普奧兩國及二戰日魔既高級將領最經典。拿破崙雖然本身的確十分優秀，但若果無佢嗰班爆蠢對手，法軍根本無可能有咁多次驚天動地既大勝。係呢班人中以布倫斯維克公爵(Duke of Brunswick)最正。此君被譽為當時最優秀既軍人，而佢既優秀主要係因為佢夠謹慎。佢有幾謹慎﹖當法國大革命剛啱爆發時，歐洲其他國家立刻發兵攻法，革命軍當時實力極差，大部份所謂既“士兵”只係攞住鋤頭既農民。我地既公爵受命成為盟軍總司令。兩軍於法國小鎮法爾梅(Valmy)對陣。當時革命軍只有少數幾門大炮，但佢地仍英勇地先向聯軍發動衝鋒，其實革命軍只係唸住博一舖，點知真係店。因為公爵話為謹慎起見，聯軍唔可以向呢班睇落咁強大既敵人交戰，然後全軍退兵！就係咁本身危如累卵既法國大革命竟然可以極度附碌地避過全歐最精銳軍隊既圍攻，而法國人實在要多謝夠“謹慎”既布倫斯維克公爵。

跟住仲有排玩。拿破崙26歲時受命領兵打意大利，並圍攻意大利重兵佈防既碉堡曼圖亞(Mantova)。本來呢個碉堡的確係有必要重兵防守，但後來防守曼圖亞成為反法國家一個心理負擔及障礙，負責防守既奧國只想曼圖亞安全，至於意大利是否被法軍全面攻佔則不在考慮之列。所有派往意大利既奧軍只會防守曼圖亞，而法軍則可以係意大利為所欲為。最有趣既係反法同盟中有海軍最強大既英國，但英國從來無唸過係三面環海既意大利任何一個地方登陸打擊法軍。最正既係入意奧軍每次只能係曼圖亞附近一個湖既是但一邊進軍，法軍只需守係湖既南端，跟住奧軍就會自投羅網。最後曼圖亞當然守唔住，而意大利亦全部被法軍攻佔。

烏爾門會戰(Battle of Ulm)亦係極端愚蠢既經典。負責指揮72,000奧軍既馬克．萊貝里希將軍(Mack von Liebereich)直到被圍既一刻仍堅持認為法軍只會由正面進攻，而且完全不相信任何法軍會迂迴奧軍後方既任何情報。法軍只靠行軍就圍困住所有奧軍，最後結果可想而知。

日魔高層除左幾個精英之外，其他所有將級軍官都係嚴重弱智既低能仔。其中以日俄戰爭既乃木希典為最正。呢個傻佬被譽為“軍神”，但其實佢只有最荒謬既狂熱。呢條傻佬負責指揮過萬日軍進攻只有幾百人防守既俄國人於旅順既據點。由於乃木希典係嚴重弱智，佢唸到既進攻方法自然係正面衝鋒俄國人嚴密佈防既正面。於是共一萬日魔不理生死向俄國人衝鋒，全部被打到甩頭甩骨，大量頭臚及手腳不斷碌落山。咁打梗係仆直，跟住有個下級同傻佬講話其實佢地帶左幾支重炮來，點知呢個傻佬好似發現大秘密咁，拍下後尾枕大叫“係喎！”，之後先識用嗰幾支大炮狂轟俄國人既據點，雖然今次都係正面衝鋒，但日魔火力太強，俄國人當然不支被殲。但乃木希典最頂癮既唔係傻更更硬攻旅順呢次。日皇明治係1912過身，條傻佬竟然殺晒全家及為自己切腹，話要追隨明治。一個人如此低智及變態竟可成為日本最高階將領，日魔之邪惡實在令人汗顏。

二戰日魔就自然蠢得更厲害。首先唔知點解日魔每攻陷一個地方都要進行極端恐怖既大屠殺及極不人道既管治，於是所有被日魔管治既人民都歸順盟軍，即使日魔如何變態殘暴壓迫都不改反日志士既意志，因為與期比日魔蹂躪，倒不如反抗到底。另外，日魔海軍雖然幾優秀，但佢地既戰略思想實在不敢恭維。珍珠港就已經係最好例子。點解唔攻佔珍珠港，仲要比時間美國將佢復原﹖攻擊當天所有美國航母都唔係度，事前點解無人調查清楚﹖大和及武藏號既使用就更令人費解。兩艦都係日魔海軍最頂尖既戰艦，應物盡其用，就算當時海戰已為航母主導，但以兩艦戰力之強，靠佢地主動尋殲美軍較小型及較次要既艦隊絕對有得做，另外兩艦亦可以頻繁地為受圍攻之日魔陸軍提供岸轟火力，或作為超級護衛艦為特極端重要既補給船隊護航，若遇上敵人較弱艦隊即與之交戰，咁樣日積月累一定有唔少戰果。最後點樣﹖大和只開過兩炮，而且無一發炮彈中目標，武藏更加係無開過炮既情況下被擊沉！講真，任何智力正常既人指揮呢兩隻艦都會好過呢班低能仔。另外，大和級本來有三號艦信儂號。佢後來被緊急改成航母，但呢隻艦係第一次出航去迎接飛機及人員時竟然全無飛機、戰艦及潛艇護航，於是呢隻七萬噸巨艦被二千噸既美軍射水魚號潛艇用三發魚雷擊沉。由於整個攻擊過程實在太容易，所以當射水魚號艦長寫一本關於擊沉信儂號既書時發覺無乜野寫，為左令本書厚少少，佢唯有將三份之二既內容都係寫同自己成世人做過既野及佢指揮射水魚號既事蹟。

2010-08-21 22:43:33 補充：
另外日魔好鐘意佔領島嶼，成日以為美軍會同佢地逐個島打及同佢地死磨。由於美國人智慧正常，無人會同佢地玩埋呢啲小學生遊戲。新不列顛(New Britain)島上既拉包爾(Rabaul)及特魯克(Truk)島係日魔兩個最大既海空軍基地，其中拉包爾係至關重要，有日本珍珠港之稱，守軍成十萬人。日魔成日以為美軍會硬攻拉包爾，多次派兵增援。但美軍打新不列顛時剛好只係打到拉包爾門口，然後就打第二個島，拉包爾十萬守軍就係咁被孤立及轟炸到死，並完全失去打擊美軍既作用。特魯克島既命運亦差不多。

請問歷史上最天才和最蠢才的戰略、戰術是幾個?

回答 (2)