我想問欠保利息點計

我想問返你幾條問題
(1) 你阿爸投保個份係咩人壽? 係終身儲蓄人壽? (即有紅利派既人壽單)
(2) 有無留意返個供款期係同保障期係咪終身?
(3) "前經紀話過d息衾得到" <- 係咪話份單既紅利夠比保費，唔使交保費繼續有保障?


* 其實如果係用紅利扣，當唔夠扣個時，又無交保費，份單就會斷供。而家佢叫你比返18,000 美金既話，你要知道係FOR咩用途呢? 因為正常張單斷左，就算復效，佢地都會重新評估返個風險，再定個保費，正常唔會要你一筆過去比咁大筆錢架喎。會唔會係當你一筆錢咁買斷個保障? (因為有D新保險計劃係一筆過既) 其實真係要了解返清楚LEE個係咩收費，但我覺唔係"利息"黎。你去佢地公司既客戶服務中心度，坐低慢慢問清楚，再決定投唔投保 OR 復唔復效啦。


有以下幾點你要考慮:
1. 你爸爸年紀係70歲，可能身體已經有小毛病，或者患病既風險比年青人高，所以相對上保費較高，另外亦未必每間公司接受投保。如果你唔復效，好可能得唔到保障。


2. 如果14萬係一個太大既負擔，可以考慮減低保障額，買個細D既保障，但好多人壽或者其他既保障計劃最多都係去到比70歲既人去投保，要考慮就要快。(但轉保前要清楚明白其中的利弊。)

2010-08-21 14:38:35 補充：
(1) 應該有紅利o個種，因為佢仲話我借左4千美金紅利... 我都未見過d$$$....
>> 保單持有人係隨時可以提取紅利黎用架，唔係叫借。除非你曾經按左份保單借錢。如果你未見過d $$, 你爸爸亦無印象有借過，你真係應該去返保險公司度叫佢比返d文件(証據)你睇。

(2) 有無留意返個供款期係同保障期係咪終身?
>>供款期=保障期既話，咁你真係要搞清楚點解佢要你比返個1.8萬美金佢。

2010-08-21 14:38:56 補充：
(3) 差不多意思...
>> 舊式既人壽保險大多有lee個問題。因為當時政府未有監管保單裡面既紅利利率，加上近年利息亦不斷下降，所以令到本身既計劃紅利唔可以好似預期咁足夠支付保費。所以你爸爸張單會出現lee個情況(唔夠比，要繼續供。)

2010-08-21 14:39:17 補充：
## 其實我懷疑你之前停供左o個幾年，而家要復效張保單。佢由你停供個年既年齡去計算返當時既保費，咁如果係六十幾歲開始斷供既，咁用六十幾歲既保費率黎計，要補返既保費好可能真係要咁高。如果係真既話，最緊要知道張單復效左之後，你往後要供幾錢一個月，就要自己計返條數。始終好似之前咁講，如果你爸爸而家斷單，未必可以投保到另一個保障，而且保費亦唔低架。

不過我見之前個員工好似唔係解釋得好明比你聽，你會唔會考慮上去客戶服務部問多次? 如果需要幫手既，你可以搵埋我出架。我可以幫手聽下。 =) good luck

2010-08-23 00:23:22 補充：
呀詩答得好清楚易明呀，好過我答到一舊舊=P。我都學到好多野，多謝。希望可以幫到IO你快D解決個問題啦。GOOD LUCK =)

按照你的資料你爸爸份保單是一份終身人壽保險計劃,是須要供款至100歲,才保障到100歲,每年有紅利的派發
當沒有供款時,保險公司會以紅利供保單,但當紅利用完會用保單價值供款,保單價值動用的話是借貸形式,保險公司會收借貸利息大約9%,近這5年紅利的利息平均每年派出3~5%,又沒有繼績供保費,所以份單沒有錢繼績下去,所以就出現這筆款項

你可以有幾個做法:
1)還錢入份保單及供保費
2)減低保障額及供保費
3)買一份新的保險
4)取消保單

#注意買份新單,你爸爸是要重申填寫身體情況,要檢查身體或醫生的報告,保險公司才決是否受保/加價受保

如有任何保險問題可以send e-mail([email protected]),本人任職於美國萬通保險