我喉嚨好痕...係咁咳...求救...

你好！氣管敏感咳中医稱為寒咳, 其特點是,喉嚨痕才引至咳嗽,一般咳嗽是連續的,多在晚上咳為主,日間咳較少,吸入冷氣加重,飲用熱水或熱飲品可減少咳嗽,但飲或吃冰凍飲品則加重,因此氣管敏感的咳嗽是時好時壞及手尾長。此外,患者一般情况下沒有黃痰,只有透明液体狀痰,自巳不覺有痰塞着及咳不出痰的感覺。更沒有發燒（即体温不超過37度C或者97.6度F）及喉嚨痛。

氣管敏感咳長期咳落去會變成哮喘,那就麻煩了,就算天氣轉熱.咳可能會少些,但天氣一轉,咳又加重, 長期的氣管敏感咳, 對自己的身体, 日常的工作及生活都帶來影响。中医藥對於敏感咳有良佳的療效, 情况不太重, 無需長期用藥。

照肺不可確診是否氣管敏感。但如果長期咳嗽,照肺有時亦有必要,照肺可發現是否因肺結核或肺部腫瘤、支氣管炎等疾病引至咳嗽。


氣管敏感咳最好戒飲凍飲品及少吃生冷食物, 要暫時減少咳嗽或者咳得利害時,最有效的方法就是慢慢喝些較熱的開水,可减輕咳嗽。外出時戴上口罩可防止吸入冷空氣, 也是減少咳嗽的方法。

氣管敏感最簡單及有些效的方法,是飲薑茶,可用老薑（越辣越好）1両,洗淨後切薄片,放入清水煎15分鐘,加入少許紅片糖,趁稍熱時飲,可起到止咳之效。以上個人臨床經驗,僅供參考。祝你

身體健康

黄卓雄中醫

網址 http://www.wong-ch.com/

下面只用於有痰情況:

有冇試過政府那隻馬尿(記住係唔甜既, 因為政府有另一隻咳水都係深啡色, 係SYRUP來既, 呢隻冇用, 愈飲愈咳又吐唔到痰), 有AMMONIUM BICARBONATE那隻, 不甜的, 飲後2個半鐘頭內會咳同吐到濃痰, 我剛剛上星期五開始夜晚咳到黐肺, 連續四晚都咳到完全訓唔到教, 吸一吸空氣氣管中間就好似俾野掃一掃咁咳個不停, 期間只吐到稀痰和鼻水, 但昨天飲左中午馬尿之後2個半鐘頭裏, 吐到好多濃痰, 應該係痴住在氣管那些, 隔4個鐘服多次, 重覆吐到冇痰或少痰, 咁就可以回復氣順架喇, 我尋日中午開始馬尿療程+止鼻水黃丸, 服藥後兩個半鐘盡可能躺下(令地心吸力對濃痰冇咁影響), 期間一定要飲多D水同盡量飲水時做吞口水動作, 期間會吐到四五次痰(當然係去廁所企住吐啦, 可以索鼻涕刺激自己反胃吐出濃痰), 重覆兩三次呢個療程你就應該可以訓到覺架喇, 氣管呢個時候仲係好敏感, 戴個口罩躺可紓緩(有需要可以蓋多條薄毛巾在上面, 但千祈唔好用薄毛巾直接蓋, 因為有塵), 希望幫到你! 上星期五至星期一晚對我嚟講係最絕望既時刻, 因為真係完全入唔到睡, 我咳到自己對自己講粗口, 真係人都顛, by the way, 我平時唔講既。

續:
之後開始可能喉嚨會有咳唔出既稠痰, 而呢D痰又會開始令你吸氣時又會喉嚨痕而咳(不過痕既位置已經係推左上喉嚨附近, 而唔係用馬尿之前既頸底), 馬尿和黃色止鼻水丸仔我已經停用了, 呢個時候要處理喉嚨稠痰既咳嗽, 就要服用BROMHEXINE 8MG (一隻很常見既化痰劑, 政府診所一定有, 睇唔切醫生就藥房都有), 呢隻藥食左之後隔一陣就會覺得喉嚨鬆左, D痰都會開始冇咁稠, 盡量又係把痰吐出啦, 吐多幾次就會冇左吸氣時喉嚨痕呢個問題, 冇左喉嚨痕就唔咳架喇, by the way, 我今日終於可以唔駛戴口罩大啖大啖咁呼吸清新既空氣了 XD

以上是我一個很重要既經驗, 感冒以至係用藥都有本身既過程, 希望有咳人快快好返, 我咳過, 我明 :)

you can try lemon coke with ginger (hot)