香港人能夠維持基本生活的最少金額係幾多?(20點)

周董說:做人冇理想,同一條鹹魚有咩嘢分別?
現在周董都已經達到自己的理想,成為香港富豪之一,
然而,要搵地方放一條鹹魚,都可能要一百幾十蚊一日,
要是唔死得,要吊鹽水維持生命,住院費已經是一千蚊一日,
若你說,一日三餐夾埋變兩餐,一餐煮個一蚊錢麵條,一日兩蚊就可以了,
但那個人要工作,返工坐車又要十幾廿蚊,出街食一餐平均廿幾三十蚊,
幸苦搵來志在食,錢搵得黎就要洗得去,
唔搵錢又邊度有得食?
香港地住就是最貴,有人住籠屋都要租金一千幾百蚊個月,
有人有福利住公屋幾百蚊就得,
拎埋綜援更加是免費,呢條數真係無得計!!

2010-08-19 14:53:56 補充：
澳門有最低維生指數,
香港沒有,就算有都係呃你,
人地做民意調查都有指引性問題指引你做到佢地要既調查結果,
你千祈唔好信呢D甚麼指數數據.

1.乘坐港鐵 或巴士最低消費三至四元。(以下皆為最cheap 開支)
2.「牡丹樓」漢堡包店的一個套餐廿三元,最「唈」的雲吞麵店一碗十六元。
3.內褲二十元。拖鞋十五元。
4.沒有牌照的簡陋理髮店單剪是三十元。
5.大陸製的電視機(即成龍說會爆炸那種)三百元。
6.珍姐旅行團一日遊六十元。
7.上網月費一百五十元。
8.其他。
總開支是加減乘除,樓主自己計吧。
另外,樓主提到的「指數」往往是「帶人遊花園」的玩意兒,信佢一成,雙目失明!