去美國留學

我就係Chino hill 返工,我估我可以答到你.


1)係個到讀書大約幾錢[公立同私立都想知]

公立係免費,但唔會收外國學生(因為唔簽得I-20,非法移民除外.)
私立有平有貴,但High school就算点平都要每年美金萬伍以上.仲未包書簿雜費.


2)係個到有咩學校係唔係太差又唔係好姐係中等

有好多学校,點為支中等就幫你唔到.


3)DIAMOND BAR HIGH SCHOOL同Ruben S. Ayala High School邊間好D

兩間都係好学校.抜萃同華人邊間好?人人答案都未必一樣.


2間邊間比較岩我地讀?

我又唔識你,點知?
Dimond Bar 多華人,(超過70%)多点機會同聲同氣.(但唔一定講廣東話,甚至係黃皮白心)同樣中國人多競爭大.華人学生係差啲嘅學區攞SAT過二仟係好平常.学區唔好係俾墨仔拉低咗.係Diamond Bar 呢D區嘅華人學生更加係十項全能.

Ruben 白人較多,约40%,華人只有20%.相對競爭較少.
種族歧視邊度都有.你敢話你冇歧視啲阿差?


4)個到D人難唔難相處?溝通唔到點算?

應該係睇你點同人相處.美國人較熱情,我反而担心香港嚟個啲.
溝通又係睇你啫!我識個小朋友係HK用英文鬧到阿賓賓死死吓.嚟到summer camp 就成隻鵪鶉,一句英文都唔敢讀.


5)如果收一個唔收一個點做?

我唔知你地用乜野身份嚟讀書.如果身份一樣.只會一齊收,或一齊唔收.美國係免費強迫教育
但你地要搞清楚.你地係外國居民.唔係你要讀人地就收.等於一個美國小朋友到HK,都入唔到公立,要入國際學校啦.


6)如果上面2間都唔岩我地讀咁有咩學校岩我地讀?
我諗你問你個親戚好啲.


7)如果我地得一年時間搞夠唔夠時間?
要搞就好快啫,三幾個月都得.

8)唔同班咁點算? 我英文一般般...
你放心,每年都可能轉.今年同班,明年未必同班.就算同班,有啲科一齊上,有啲有分開.美國唔同HK,唔係一班人坐定定上堂架.


以下問題同上面無關~

1)個到附近有咩行? (H & M 除外)
如果你問揸車去mall,你又可以放心.個半鐘車程以內,貴嘅比華利山,平嘅outlet mall.大把你行.
但如果你話屋企附近用腳行出去.你可以慳番Chino Hill 真係一座山.住係果度好似住港島半山.然後俾幾你freeway包圍住.你好彩親戚間屋係街頭街尾,仲有可能行去supermarket.否則,有單車都未必買到汽水.

2)過去除左帶衫個D基本野仲有D咩係需要帶?
除咗錢真係諗唔到.二十分鐘車到Rowland Heights 乜都有啦.目前我仲未揾到係好食嘅雲吞同雪糕月餅.

3)香港D書比唔比帶去?
點解唔得?不過甘重.中文就話值得.因為貴好多.英文書就不必啦.