我同家人的問題

唔清楚你的家庭環境，所以對於父母唔比你買呢野買果樣的事我就唔回應啦
至於你話落樓下都要問過先, 我覺得又會係管得過份左 D ge

其實睇你所講的野
我會有少少覺得你可能係缺乏同父母溝通
有時有好多野都會因為世代唔同而產生好多誤解的

以佢地話你成日上網打機為例
雖然唔清楚你同父母之間的年齡差距有幾大，
但係我唸佢地都唔會話熟識電腦的父母。
我自己同我老豆只係差23年左右，我同始有電腦同可以上網大約係中二果時
最近同老豆傾開計先知，原來佢以前都成日覺得我掛住上網打機
原因係因為我成日都淨係識得對住部電腦，
但係其實我上網有時候係搵緊料做功課
到最近呢一、兩年，因為我換新機多左部電腦可以比佢用下
佢先發覺電腦除左打機都仲有其他野可以做。

你有溫書佢地話你冇
咁我又覺得如果你成績差、而佢又睇唔到你有溫書的話會有呢個想法係好自然的事
如果你站在你老豆的立場黎睇、唔道會得出"雖然我睇唔到，但係佢有溫書 ge"呢個結論？

至於你話"要學壞都唔係18歲先黎學壞"呢樣
我又覺得，要學壞的話幾時都可以學壞，即使你50歲先黎開壞都唔係冇可能
父母會咁管你，係怕你學壞，只不過係佢地用錯左方法 je

我覺得你應該好好地同父母傾下，
同佢地講清楚，覺得自己１８歲了，雖然未係一個成熟的大人
但係至少都唔係細路仔，有時都會想同d朋友出下街有返 d 正常的社交生活
唔好話因為冇信心就唔想再講，溝通係好重要
唔係要話比佢地知你好乖，而係要話到比佢地知你已經唔係細路、
有能加可以管束到自己、亦需要開始覺習自立

你老豆老母2個人加埋都唔夠我一個老豆衰呀!!!!!!!!!!!!!!!!!!!!!!!!!!

聽完你嘅心聲,我先深深體會代代年紀的分差.

我父母係日戰時走難落唻香港,佢生咗十個,我係第八個,因為生得多,基本上我哋只可填飽温飽,冇多餘錢買玩具,但係父母係守舊嘅人,重男輕女,當年我的姐姐因家窮,所以十二三歲就要去工廠打工,夜晚就返夜學, 一直捱至中學畢業,你以為佢哋開心呀,佢哋抱怨點解佢哋要出去打工養家,而哥哥細佬就可以去返學,但係啲仔一個又一個都係唔肯讀書,咁唯有送去私立學校,即係學費貴到飛起.

我呢,雖然唔駛去工廠,但係因為人多,你估我有咩呀,乜都冇,反而最細嘅細佬可以氹倒我老豆,幾歲就買架單車比佢玩,而我有時想買膠水,都要叫細佬或細妹同老豆講,事關我講佢就一句得埋你話黏你把口呀!

我老豆同亞媽因為住屋邨,果度雜到飛起,佢哋都係冇受教育嘅人,所以有事發生就用籐條對我哋，你估吓唔痛呀，痛到入心呀，所以根本唔好犯，犯咗就認真大鑊．

有一次，我記得係我十五六歲，我同隔離屋個女仔傾到好夜，佢同我講唔好返過去一齊瞓，我應承咗佢，但係第二晚，我亞哥返到唻尋仇咁問我噚晚去咗邊，我話同隔離屋個女仔瞓，佢不單冇放過我，仲猛度閙我好去人哋度瞓，你屋企冇地方比你瞓呀，我話只不過係隔離咗喎，佢話你瞓瞓吓就唔知去咗邊度瞓架啦，我老豆走出唻，話我駁咀，好惡咁夾埋把口閙我，話話我係應份嘅，話我唔聽教，我話我有咩錯呀，我只不過喺隔離屋瞓咗一晚，我喊咗出唻，但係連我亞媽都唔幫我，佢隔咗我哥同我，話我女仔之家好去人哋到瞓，我真係越聽越傷心，點解喎，點解每次有事都係男人講咩就咩呢？

唔係一件，係件件都係咁．

但係今日回想，我亞爸亞媽講嘢唔識講道理，唔曉解釋，佢哋有幾驚一個得十幾歲嘅女學壞，你估少呀，只不過佢哋見倒有啲衰女包衰格淫賤嘢佢哋冇喺我面前提起之嘛，我又年紀咁細，比壞人呃咗都唔知啦．

好好笑嘅係當年佢哋管我哋管得好嚴，咁到我廿一歲時，我好慶咁同個妹講，乜都唔比，我廿一歲啦，做愛都合法呀．

你以為我當時年幼無知會知自己講咩咩？

你以為父母眼見啲衰格嘢，佢哋會識點同你講世上有幾多有幾折墮？

香港大多數人都係從大陸落唻，咁只不過唔知係第二代，第三代，第四代咁解啫．

當中有人發達，有人折墮，咁你講折墮啲人係有冇父母照顧同管教呢？

我真係唔想有日，有人話你有冇家教？

年青人給父母管得嚴覺得没有自由,得不到信任我非常了解,但本人非常相信天下間的父母,他們為子女做的任何事或擧動都是為自已的子女好,常言道為人父母甚艱儺,好好體會我們老祖宗留下的一句話,養兒一百歳長憂九十九,希望你能領悟。

其實我自己覺得你既父母太過管你啦!每個人都有自己既自由,去玩下既放鬆一下自己,讀書既時候一定會有D太難記唔入腦而出錯,唔係學壤左/冇溫書
既問題,佢覺得你冇溫書係因為出左去番工睇唔到,唔應該睇到你玩既一面而話你冇溫書。你都18歲咁大個有自己既時間表知道自己做咩佢地太過管你啦!

當然係你父母既問題la,你18歲啦,仲唔俾你有多D自由,真係太過份!你可以同你父母講,請他們俾你多D自由,多D私人空間!如果他們仲是咁固執既,我覺得你應該同老師or社工講,他們應該可以幫到你! ^ ^

系咪妳自己平時就系太過聽話先比佢地錯覺系妳乜都要人管?
就我個人而言,只要我做既野吾會影響到其他人,又吾犯罪,我系吾會聽我父母的管束,所以佢地之前都系乜都管住我,不過時間一長,佢地就知我吾系做壤事而且又管吾住我,就會比我自由...
妳都可以用我既方法,試下去反叛,不過妳要SURE妳吾會做出犯罪既事先好.