想做英文老師既一D問題

1)要有咩條件?
起碼要由教育學院畢業, 大學畢業都得, 不過就要再讀多一年教育文憑. 大學不一定讀英文系, 要通過考評局既英語基準試.

2)由中學開始點先可以向呢個目標進發?
1. 當然係讀好書, 中學時代主科[中英數通識]全都重要, 以求入到教院/大學.
2. 學英文要盡早培養浸淫. 除左學校規定既, 每日讀英文報章雜誌, 睇英文台既新聞, 睇英文小說課外書. 最好減少上網同打SMS, 因為好多時唔係用正統英語, 習慣學壞好難改.
3. 盡量參與校內外英語活動, 爭取上台表演/演講/做司儀既機會. 因為除左學好英文, 仲要練膽.

3)做一個ENG老師要經咩程序?
參考上面(1)

4)會有幾多人工?系咪年資吾同人工就吾同?
官校同津貼學校教師有分GM (學位教師) 同 CM. GM入職一定要有學位, CM就唔使. 不過有時就算申請人持有學位, 但學校只有CM空缺, 就只可以出CM 既人工, 到有GM空缺, 或者會幫佢轉, 出GM人工.

GM 和CM有固定薪級表(MPS), 按學歷年資計算. 私校和直資學校就個別合約訂明, 冇一定準則.
http://www.hkptu.org.hk/_right/payscale/payscale2010apr.jpg

5)系咪教每科都系一樣工資?如果吾系,邊科好D?
官校同津貼學校, 就科科都一樣. 好多人認為同酬而不同工, 因為往往教語文既老師上課節數同術科老師一樣多, 但又要改作文, 又要做行政(做會議紀錄, 寫計劃書, 往往會搵全校英文最好個d人做 ^^~)

不過, 通常每一班每日都有中, 英文課, 老師學生既關係會緊密d, 日子耐左, d舊生通常返校都會搵既, 就係班主任同中, 英文老師, 術科既老師就會冷落d啦... 付出, 係會得到回報既. 所以, 在下覺得 人比人, 比死人, 都係唔好比, 唔好咁計較. 最緊要能夠做自己鍾意做, 又擅長做既野, 已經好幸福.

6)如果MATHS吾好;;會吾會有影響?
唔好到fail, 就升唔到大學/教院. 少少唔好唔怕, 總之要keep住合格啦.真係唔掂就搵人幫手/補習, 捱掂佢囉.

7)系咪教小學同中學既工資吾同?
有少少分別, 都係睇番上面(4) 既薪級表.