係咁，我家門不幸，個仔爛賭欠落人周身債，成日攪到比人上門追數，同佢還都唔知還過幾多次。但始終都還唔清，最慘佢死不悔改，依家屋企成日家嘈屋閉。
咁我有日忍無可忍，鬧佢一鑊甘就趕佢出門口，我同老婆商量過，佢唔改過就唔比佢番，最多當生少個。但係佢雖然無番過，但係債主就無停過，咁我就想請教下各位，點應付個衰仔的債主呢？有d話家人要幫佢還，係唔係真呢？咁同佢脫離父子關係得唔得？如果得手續要點樣做？去邊度攪呢？我想幫個衰仔申請破產得唔得？叫佢d債主自己申請佢破產得唔得？
比個衰仔攪到家無寧日，希望大家比d意見，唔該曬。
更新1:
好多謝兩位回應，但我想同 Yan講聲，你估我無幫佢戒賭咩？佢次次都話最後一次，唔係又點會激到我今次要同佢斷絕關係？ 你話我幫佢還就害佢，唔幫佢還同佢絕交又話唔值得，咁我覺得你講有d予盾囉。針唔拮到肉唔知痛，不過我都好多謝你意見。戒賭熱線我都有，重有明愛，聖雅各福群會，一大堆褔利機構電話資料我都有，但係無用呢。你講我都知重全部做過曬啦。 好在cecimak知識長肯認真回答小弟問題，真係多謝曬。我睇完你d意見後先定d無咁驚。得啦我明白個衰仔的數係唔關我事，咁我識做啦。咁依家就更加唔駛諗脫離關係呢d啦。唔該曬。 我重想問萬一個衰仔一去唔返，d債主會唔會一路咁時不時上門呢？
更新2:
多謝知識長的回答。另想回應Yan同埋Michael我知道你想賣廣告，我唔介意因為d資料亦都真係幫到人。但問題係你完全無睇過我問問題，完全無講過我想知資料。 你有心幫人就答番人想知啦，人無問好似你今次答d，我全部都知，我問係唔知，但係你完全無提過。好彩重有其他人答到我。
