梅窩&長洲，有冇好介紹。

1. 去長洲果邊最好穿咩衫褲:
最好短衫短褲加涼鞋/拖鞋, 因為有沙灘, 可以玩水.

2. 我想問要帶的咩去:
如果要游水, 最好帶埋泳衣/洗頭水/沐浴露及可以替換既衫
另外要帶蚊貼/蚊怕水, 太陽油, 帽/傘, 水
如果萬一唔記得帶齊野去, 長洲有好多超市及商店提供各式各樣的日用品.
如果要去張保仔洞, 要帶電筒, 因為洞內好黑....嘜都睇唔到

3. 帶幾多錢才夠:
唔知道你會唔會BOOK渡假屋過夜, 如要渡假屋, 請帶$500-$1,000. 不用渡假屋的話, $300-$400都OK...不過長洲有提款機提款的, 所以唔駛擔心唔夠錢駛.

4. 如要BOOK渡假屋:
去到長洲落左船後, 會有好多渡假屋出租公司既攤檔, 你可以要求佢地比你睇左屋入面既環境才比$$都未遲. 酒店:
華威酒店, 你去到東灣沙灘就找到, 但係價錢一定貴過渡假屋.
5. 在長洲踩單車, 有得一日租, 又係去返碼頭找渡假屋附近的店舖租. 不過租之前最好問多幾間夾下價先, 因為上次踩踩下單車時撞到個friend又係去踩單車, 佢租果一檔平左10蚊呀.6. 食野方面:
A. 正生樂滿堂 Joyful Palace.....PUZZA+蜜糖雞翼+炸雞勁好食......入到長洲一定要試.
地址 : 長洲大新海傍路117號地下
電話: 2981 6279
B. 下午茶去得得店食(佢有2間分店的, 都係位於同一條街. 碼頭再落一條街就係). 特別推介係: 焗奶油長法飽及焗蒜蓉長法飽.
C. 晚飯可以去瑪頭近街市果邊的鋪頭食海鮮.
D. 晚飯後去昇記食糖水
E. 小食: 甘永泰的魚旦及蟹丸好好味的. (甘永泰位置: 碼頭直入會見到百佳的, 左手邊便會見到甘永泰)
F. 東灣附近有間新照記, 主要係食糕點的. eg.: 紅豆糕, 馬蹄糕....等
G. 每晚11時後, 碼頭果條街會有流動小販售買不同的小食. 佢地會提供埋檯及椅子比你慢慢享用. 你可以在晚上10時55分在碼頭一帶等候, 到了11時食環署D小販隊收左工後, D小販便會推住車仔從四方八面而至, 場面相當墟陷. 7.長洲行程
長洲行程 1
長洲碼頭→北帝廟→長洲消防局→製冰廠→長貴路→桂濤花園→長北路→觀景亭→大貴灣新村→北帝廟
長洲行程 2
北帝廟→東灣海灘→滑浪風帆紀念公園→東灣石刻→觀音灣→關公忠義亭
長洲行程 3
西灣天后廟→張保仔洞→五行石→白鰽灣→思親亭→眾樂園→天福亭→關公忠義亭→東灣海灘

我住係長洲，如果你問帶的咩去，帶幾多錢才夠，我答你唔到，我唔知你玩幾多日
有咩好食，好玩，同值得參觀的地方？好食～好多地方都有 好玩~東灣 值得參觀~沒乜
去長洲果邊最好穿咩衫褲？同香港差唔多
有冇單車租？有
幾錢一日/一個小時？一般１０～１５元一小時２個輪 3個輪要20元
如果你問帶的咩去，帶幾多錢才夠，我答你唔到，我唔知你玩幾多日