魚缸點解無端端會有蟲

d蟲係d魚帶入鱼缸的!

你要用漂白水漂下個缸先得,唔用漂白水d蟲係唔會死的!

漂缸方法:

先把所有魚兒撈走!

每15公升水落一樽蓋漂白水入魚缸, 計算公升方法?

水位計: 長?吋x闊?吋x高?吋÷62=?公升水

等待1小時後,d蟲就會死曬,跟住擦缸,跟住吸走曬d水,

然後把器材及魚缸用清水過乾淨,洗乾淨後鱼缸可以加入水至滿,

等待12小時後,再加粗鹽.每10公升水落食用粗鹽1匙,食飯盒果隻匙,

等d粗鹽溶左之後就可以撈番d魚入魚缸,養１星期d魚適應左就要做驅蟲。

驅蟲方法:

藥水牌子(樂樂魚),樽蓋是螢光紅色的,呢隻藥有好多種類,

要寫住治(體外寄生蟲)果隻先得。

使用方法:

每10公升水落1cc藥水落水裹面, 計算公升方法?

水位計: 長?吋x闊?吋x高?吋÷62=?公升水

去藥房買一支針筒,上面會刻有幾多cc,用針筒抽d藥上來打落d水度就ok,

之後隔一天換1/2水,加番1/2份量藥落水,重覆這個動作,

直至第7日,換1/3缸水,連續換3日,每天换1/3水,這個療程就完成,d蟲就應該無曬係d魚度

,特別注意: 落藥前如有活性炭,一定要拿走,因為活性炭會吸走所有藥力的!

(樂樂魚)驅體外寄生蟲藥水,在旺角金魚街一間叫(科技水族)有得賣,

你要快d搞先得,如果唔係d蟲好快會幾何级數甘上,真係好得人驚!

希望可以幫到你啦!

蟲卵係唔會隨空氣飄!!
想請問你個缸係水草缸、金魚缸、清缸定係咩缸??

通常發現有蟲既缸都會係養份過剩,
水草缸就係,因為有水草泥底供給養份,
線蟲之類好多時都會出現,係正常既,
如果缸中有魚,通常都會食晒d蟲,
但如果你仲見到好多蟲,咁可能需要去買藥除蟲~

會不會你缸有水草. 以前我新手缸. 有泥及水草. 蟲是一條好似啡啡地色. 可以好快入左D泥到. 另一條白色一條條好幼細的.


如果你想消滅D蟲,好易的. 用少許粗鹽入缸. 之後D蟲會自動消失的.

係魚果到出泥,你洗下你個魚缸