我想問普通寄一本書(local平郵)要點做?

其實所有郵寄程序大致上都是差不多：郵寄過程：

如果寄包裹：你要搵個堅固少少的盒，如果你要寄的野是易碎，你最好加埋泡泡紙及報紙保護。
至於個盒外面，如果你認為無所謂，可以唔使包，否則，可以搵張花
紙、報紙、顏色紙包好。你個盒 / 信封上面的正中間，填上收件人的詳細地址及收件人姓名。郵票則貼於地址個面的右上角。如果個面無白色位置比你寫，你可以貼張白紙再係上面寫。
你既回郵地址，可以寫埋係收件人地址個面左上角，但字體要比收件人地址為小，或寫於包裹背面。

如果你的包裹入面係易碎物品，你可以係收件人地址個面，加句"易碎品，小心輕放"。

如果你寄掛號，由於郵局要貼張掛號BARCODE，你要係收件人地址個面預留位置。郵寄程序：
如果你已經肯定自己已經貼上足額郵票，又唔需要掛號。你可以將郵件投入郵筒"平郵"或"空郵"的空格內。如果你需要買郵票、唔知需要幾錢郵票、需要掛號或其他服務，你就要去郵局投寄有關郵件。有關程序如下：

1.首先拎件已經包裝好的郵件，並已經寫好收件人及回郵地址等資料，去郵局。
2.同個職員講話你想將份件寄去某地方，用平郵定空郵，需唔需要掛號。3.跟住個職員會磅你份件，再加上郵費及其他額外服務的收費（如掛號、特快等），之後會將個總額話比你知。

4.你比錢買郵票，再將郵票貼於郵件上，再交回職員處理。
5.你已經完成投遞，如你選擇掛號，你就要填多張"投遞掛號證明書"（只限本地郵件），之後職員會比番張"投遞掛號證明書"你，你拎埋就可以走。

只要不超過 2kg ，如你所說寄普通信一般便可，過了 2kg 就要以包裹型式寄了。

請注意以下貼士:
1. 郵件重量 1.01kg 也會看作 2kg 計算郵費，所以包裝物料不宜過重，但若果你本書根本已過了 1kg ，不需考慮。
2. 書本的邊位、角位在運送途中很易弄破信封，建議像禮物般包裝，然後貼一層膠紙在所有邊位及角位。

請參閱香港郵政網頁