想搵脫智慧齒

智慧齒一般在 17至25歲長出，是恆齒的第三大臼齒，共有四隻，分別生長在口腔上下頜的末端。天生缺少一隻或多隻智慧齒的情況很普遍。也有一些人, 一生都沒有智慧齒生長出來的. 情況因人而異. 有些人的智慧齒能正常生長出來，但智慧齒亦有機會不能順利長出，形成了阻生的情況。



有些人, 智慧齒很順利的生出來, 一點痛苦都沒有. 但有些人, 儘管沒有智慧齒阻生的問題, 但當智慧齒出來的時候, 都受到一定程度的痛楚. 以我自己為例, 我有4隻正常的智慧齒, 看過x-ray沒有阻生的問題. 但當其中下顎一隻要出來的時候, 會令到附近的牙肉發炎, 你唔好話呀, 都幾痛的. 牙醫說, 唔夠訓, 熱氣等都有影響的. 痛得都幾犀利, 食又食唔好, 結果都係要剝左佢(一隻, 普通剝法, 不用開刀). 上顎兩隻一點問題都沒有, 在我不知不覺的期間就出來了, 非常順利. 不過, 我發覺上顎兩隻智慧齒出來了以後, 位置擠逼了, 飯後常常都會藏食物係智慧齒後面(牙同牙後面的口腔), 漱口都唔得, 要伸隻手指入口度, 撩出來, 好麻煩.



隔左大概10年左右, 我現在30幾歲, 另外下顎一隻又有動靜啦, 這次, 痛得冇之前咁犀利, 但係都好淹悶. 再去返牙醫度, 牙醫同我解釋, 智慧齒雖然是人體結構之一, 但其實一點功能都沒有的. 所以不要也吧. 當然, 如果他們沒有對你造成任何問題的話, 你就可以不理他們. 但是如果你因為智慧齒出生而煩惱的話, 就應當把他們解決了.



結果, 我決定把另外3隻, 下顎1隻, 上顎2隻, 一次過剝左佢(也是普通剝). 剝佢地痛左幾日囉 (主要是下顎的傷口痛, 上顎的沒什麼). 幾日後, 傷口慢慢埋口就沒事了. 到現在都好好.



講完我自己了. 講返如果智慧齒有阻生的問題, 即係打橫生的話, 如果沒有症狀呢, 都可以暫時不理他們, 但如果有事, 就一定要開刀了. 不過, 如果一早照到(x-ray)智慧齒有打橫生的現象呢, 最好就是及早解決啦, 因為到你有事的時候才去理, 通常牙肉都已經發炎啦. 一來, 牙肉發炎就好痛啦, 二來, 做完手術以後, 因為牙肉發炎, 所以復原的速度會比較慢的.



所以都係在你的牙肉健健康康的時候去解決他們, 恢復的速度比較快的. 以上都是我牙醫給我的意見.

參考資料:

http://hk.knowledge.yahoo.com/question/? qid=7006062400227



1. 如果智慧齒完全埋在頜骨內，沒有任何徵狀，便不需要處理。



2. 如有以下情況，便要考慮將『阻生智慧齒』拔除：

智慧齒出現問題：

覆蓋智慧齒周圍的牙齦經常發炎，引致復發性『智慧齒冠周炎』

曾患嚴重性『智慧齒冠周炎』

智慧齒嚴重蛀壞、有牙周病、牙髓炎或牙根尖周圍有病徵出現

阻生智慧齒引致鄰牙的牙根萎縮

包裹著智慧齒的牙囊腫脹，會有可能破壞頜骨組織。如發現有這些徵狀，必須將腫囊及阻生智慧齒一併除去



接受以下治療之前

接受牙齒矯正治療前，拔除在不正常位置生長的智慧齒

放射性治療

頜骨修復手術參考資料 http://hk.knowledge.yahoo.com/question/?qid=7006121702950

想脫智慧齒, 我有一位牙科醫生推介, 唔痛唔腫, 正!
屯門鄉事會路雅都商場牙科診所(許留山側邊), 禢醫生, 電話: 2440-0696;

我果個响屯門市中心嘅 (開二, 四, 六), 好細心唔亂黎, 手勢好好。
您唔嫌遠我再比資料您丫。 我自細怕牙醫比佢脫牙都無緊張, 佢會就住您。

我先排4月 + 5月先响佢度分別脫左2智慧齒 (下齶), 佢會先報價比您決定 (因為要睇下生成點先知幾錢), 費用包脫牙手術, x-ray, 麻醉, 葯物, 覆診睇傷口同葯物。

我2只都橫生, 要鋸開2邊先脫到, 咁做係寧願整爛只牙, 都盡量唔開刀令您有不必要傷口同痛苦, 所以傷口 (其實係脫牙后個牙窿) 只係流左好少血。 因為用左電鋸 (您帶住眼罩咩都睇唔到, 放心) 所以算手術, 會貴少少。

我一只 $2500, 另一只 $2200。

如唔駛手術只係就咁脫一般幾百蚊已經 ok。