養金魚的方位?

養魚唔係講魚缸既位置、方位,呢類屬風水學,並非養魚所需要,
相信你養死魚既問題非出於此~

可以打一打你既魚缸、設備、魚種等既資料黎睇睇嗎?
有了以上資料,方便小弟幫你分析,當然並非一定完全正確~

新手常見問題有以下:
1) 超養
經常都一次買入大量魚隻,但魚缸細小,
導致魚隻缺氧、浮上水面呼吸、跳缸、缺氧死亡~

2) 混養錯誤
對每種魚既認識極少,但見魚隻體色鮮艷、可愛等,
立即買入幾種魚,放入同一魚缸中,導致互相攻擊死亡~

3) 未有養水、對水
使用水喉水前唔養水,水含氯氣會對魚隻造成一定傷害,
而唔做對水,兩邊水溫不平衡,魚隻一冷一熱好易出問題~

4) 水質與要求不乎
有部分魚對水質要求好高,唔適當既水質會令佢地死亡,
如水溫、水ph值、GH值等,所以要了解魚缸水既水質再考慮養咩魚~

養幾日水就變得混濁既情況,有位blog友都試過,但絕對冇死魚情況,
想問問你有冇落過d咩劑咩劑??
另外魚缸有冇濾水器?? 每日餵幾多次,餵飼份量係多少??
是否清缸飼養??

移位絕對唔影響魚死亡,移位後向房門問題不大,
魚缸與房間有一小段距離,濾水器摩打唔會對閣下造成影響~

本人唔係好信缸魚移左位置d魚會唔死,不如研究一下你d魚既死因重實制啦!

基本設備: 魚缸燈、温度計、濾水器、氣泵、暖管、當然有魚缸啦!

如果基本設備有齊,以下就講d你可能忽略既野!

氣泵方面:

你個氣泵駁左條氣喉之後有無加番一個叫(水妖精)既野?

因為氣泵加上一條氣喉,再加上一個(水妖精),來制造消化細菌的,
所有魚都要需要消化細菌才能健康成長的,用氣泵來做消化細菌效果相當好

水妖精是什麽?

(水妖精)是一個黑色海綿的物體,各大魚用器材用品有得賣,
唔知既話你講比d售货員聽佢地會攞比你。

嗳管方面:

d人話金魚唔怕凍,唔洗加嗳管,完全錯曬,金魚都會怕凍,一定要加暖管,
如果凍親佢,佢會疴d白屎出黎,這時就大鑊了。

飼養方面:

新開缸d水喉水要等12小時以後才可放魚落去,因為要等水裏面d氯氣走曬,
如果唔係你放幾多魚落魚缸,就會死幾多。

放魚之前要加d食用粗鹽落去,
每10公升水落食用粗鹽1匙,食飯盒果隻匙,計算公升方法?
水位計: 長?吋x闊?吋x高?吋÷62=?公升水
養淡水魚一定要落鹽先得,因為鹽用來保護條魚d皮膚,唔落的話條魚個身好易生野架,
換水喉水最多換1/2缸,記得加番d粗鹽落水。

養金魚最好是清缸底,即是不放任何沙石落魚缸內,
因為金魚疴好多屎,跌落d沙石裏面好易引起細菌,
同埋d沙石好易傷到條魚d魚鱗,最好唔好落啦!
要落的話就要加番(底喉)或者(底版),再加(潛水泵),然後先至落沙石。

濾水器和水妖精污糟就要攞去清洗。

餵金魚唔好餵甘多,餵小小就ok,因為食得多會疴好多屎出來,整污糟d水,
d魚就好容易會死架!

最初養的時候你會發覺d水係奶白色的,這是正常的,
是因為消化細菌做得不好既問題,再養1星期之後,
d消化細菌做得好左,缸水就自然清番架啦!

我初初養金魚既時候都死左好多魚,死到阿媽都唔認得,養養下就唔死架啦!
比d信心自己啦,我知你一定掂架,養下養下就得架啦,金魚其實唔係好難養,
問题會慢慢解决,比d心機再養過啦!我一定支持你。

2010-08-13 00:04:57 補充：
魚缸移位是不會影響主人的。

養魚放的位置與死魚無關!

魚缸放在近大門的玄關位是適合的,但必須是較大型的魚缸才有作用,
細缸放那裡都沒關係!

魚缸對房門無問題.

這裏可以幫到你
http://yahoain.v50.host11.net/yahoo.com.hk/hk/auction/178987536