魚缸換水(底沙)問題...

請問換水時, 要換埋底沙嗎?

換水時唔需要換埋沙,沙唔會有變質問題,
只會積聚魚屎等雜物.所以洗缸時同時清埋沙就可以了~

因為好多剩糧同魚屎都跌哂落d沙道,個濾水器又吸唔到, 而且我養雞泡, 唔放得清道夫...應該點清潔d沙呢?

恭喜你,你已發現用沙作底材既壞處,就係積聚魚屎,
所以通常都唔會放太厚,你並非種植水草,沙既厚度要求唔高,
或者0.5-1吋左右厚已經足夠~

清洗方法其實都係冇咩特定,只要閣下認為係最有效就可以,
我通常會將所有沙分批清洗,用一個細桶,放一批沙入桶,
再放水,用手或其他物品搞起d沙,魚屎等雜物會浮起,而沙則沉底,
立即將水倒走便可,通常一批沖洗一至兩次就可以~

2010-08-12 19:23:42 補充：
如果唔想每次都洗得咁慘,下次將沙底減薄d,
之後每次餵飼量盡量減少就可有效減少魚屎積聚,
只要每條魚都有食野就唔怕有餓死既問題~

因為我初時唔知道你要落沙來養,落沙來養要加多一些設備先得,唔係就唔掂架!

你要買(底喉)或者(底版),再加上一個(潛水泵)就ok,每樣野價錢都係幾十蚊左右,

牌子無所謂,因為(潛水泵)隻隻牌子都好耐用,唔易壞,

加左(底喉)或者(底版),再加(潛水泵),再落返d沙落去,d沙蓋住(底喉)或者(底版)就ok,

唔好蓋大厚沙,因為太厚個(潛水泵)好難抽沙底d垃圾出來,我覺得用(底喉)會好d,

因為(底喉)同(底喉)之間有空隙,想種d水草都有位插入去,

如果用(底版)d沙要蓋厚一d先可以插到水草,

你度清楚個魚缸底有幾大,然後去魚用器具店話比d售货员聽個尺吋,

佢地自然會攞合尺吋既(底喉)比你,(潛水泵)方面啱條喉既size,出水量小d果隻就ok,

首先攞個膠盆載d魚缸水落去,打氣,然後撈d雞泡過去,

之後撈番d沙出來洗乾淨佢,同洗乾淨個魚缸,缸底唔可以有垃圾,

之後擺(底喉)和(潛水泵)落去,跟住蓋沙落去,然後加水落去,加水要有技考,

加水時水要好細,條喉要射向缸邊,使d水慢慢溜落缸底,

如果水沖力大返起左沙裏面d垃圾,就大鑊啦!

放完水之後d水可能係奶白色,這是正常的,不緊要,

跟住等d水濾乾淨清番曬,就可以放番d雞泡落魚缸,不過最小要等12小時後先得,

因為要等水裏面d氯氣走曬,如果唔係d魚會死,放魚之前要加d食用粗鹽落去,

每10公升水落食用粗鹽1匙,食飯盒果隻匙,計算公升方法?

水位計: 長?吋x闊?吋x高?吋÷62=?公升水

養淡水魚一定要落鹽先得,因為鹽用來保護條魚d皮膚,唔落的話條魚個身好易生野架,

加左呢d設備之後個缸d水流會好好多,d屎濾水器應該吸到,

如果都係吸唔到d屎我教你呢個絕招, 包掂!

你攞住濾水器果條喉去五金鋪佩一條啱啱套得入既軟喉,把這條喉駁落魚缸底高小小,

當然條軟喉要自己剪啱尺吋啦,呢招係我自己發明,包掂!

每次換水記得加番d鹽落水呀,

之後d沙就唔洗清潔了,時間耐左魚缸正面望去你會發覺d沙中間有d啡色或者黑色既野,

這是正常的,是水裏面既沈殿物,不用理會他吧!

大約3個月左右最好全部換個d新沙,因為d舊沙係洗極都係好污糟的,用好多水都洗唔乾淨

我試過真係激死我啦! 所以我就全部買d新沙番來洗,易洗好多,

清道夫魚係唔會食屎的,所以買左都無用,

反而一種叫(小精靈)既魚,他們是去青苔高手,你養2條包你缸邊沒有一點青苔,

呢種魚雞泡應該唔咬,試試吧! 不過呢種魚有d難養,

你買既時候買缸裏面d魚,唔好買袋魚就ok,

如果有唔明白或者有d野想問我,可以除時e比我架,我識既話一定會答你。

2010-08-12 17:27:23 補充：
重有你個氣泵駁左條氣喉之後有無加番一個叫(水妖精)既野?

什麽是(水妖精)?

因為氣泵加上一條氣喉,再加上一個(水妖精),來制造消化細菌的,
所有魚都要需要消化細菌才能健康成長的,用氣泵來做消化細菌效果相當好

(水妖精)是一個黑色海綿的物體,各大魚用器材用品有得賣,
唔知既話你講比d售货員聽佢地會攞比你。

通常有小、中、大、特大、4個size,你用中既size就ok,價錢大约-

得閒就攞佢出來洗洗,,十分方便。

我e左兩封信給你,我驚你收唔到,所以在這裏我答多一次,信內容和這裏是一樣的。

2010-08-12 22:19:51 補充：
換水時唔洗換埋d沙,用個膠吸吸,吸走表面d屎同d魚糧同垃圾就ok,

你加左d設備之後就無甘多屎同魚糧係魚缸底架,到時候就會易搞好多,

唔加d設備落沙真係唔掂架,好難搞架!