點樣幫到爸爸媽媽?

我既爸爸媽媽因為教我同哥哥既方式唔同而經常鬧交,我爸爸對我地比較嚴格,但係媽咪反對佢用呢種方式,所以成日面左左

爸爸任職工程監督,有排佢地因為哥哥既前途而鬧得好勁,佢已經每星期只係番黎三晚

隨住香港工程越黎越少,佢去左澳門工作,2年前因為金融海嘯,澳門嗰邊都冇工開,佢更去左新加坡,去左2 年

佢經常打番黎,問候我同哥哥,但係佢同媽咪冇講過一句野,佢都冇講過幾時返黎

我媽咪成日問阿爸有冇打番黎,因為佢同阿爸零交流

我真係好擔心,我最唔想佢地鬧離婚,因為佢地以前真係好恩愛

好似係我..令一對夫妻相距越黎越遠,我唔希望我媽咪寂寞,我一直都同媽咪訓,希望可以暫時代替爸爸係佢身邊既感覺

我知道佢地既問題係源於我同阿哥,我一直改善,但由於我既能力低,我冇能力做得更好

我更加好想幫到佢地,但係我一直猶豫,因為始終係佢地之間既事,我好驚以我既能力反而令事情更加糟

我應該介入佢地之間,帶動佢地接近番,定係等時間日久,阿哥有穩定職業,我又能賺錢養家,佢地毋需為我地兩個既事憂心,佢地就可以破冰?不過我驚時間越奈,情況更加無可挽救.....

我懇請各位能夠幫我,我真係好想幫助我既父母,我有時諗起呢件事,都會覺得係自己既錯,眼淚都忍唔住流,其實我只係個15歲既男仔,我知道自己能力係好少,但係呢個家既然我係一份子,我希望盡我既一切努力,挽救佢地既感情,令我地可以再開開心心咁再生活.... 唔該晒!