點同咁嘅呀媽溝通??

老實講...有邊個父母唔擔心自己仔女丫...但你14歲加上係女仔..係特別d...

我雖然大你唔係好多但我自己同阿媽既關係"而家"就ok啦~我自己係屋企就最大

對下有個同你差唔多大既細佬....基本上而家我阿媽煩得最多都係我細佬,,事關

我細佬就成日唔聽講,,所以家嘈屋閉咁滯,,以前我呢個年紀都係咁,,到中學既

階段父母會特別擔心..

入正題啦~其實你首先諗下自己做錯事係咩錯事先??會唔會影響到人,,如果影響

到人就難怪人地惡啦~~但唔影響到人都唔代表你岩冇錯喎~~事關你係做錯左

人地先會出聲,,或者你需要明白,,趁細個話你個d人係想你第時好,,唔話你個d

就可能唔想理你或由你錯落去,,講真,,每件事其實背後都會有個得著,,就你所講

話小事要認錯啦~背後其實可以令你第時出面做錯小事識認錯,,真係可以講,,

街外人接受程度往往比家里人低好多,,你都可以想像下,,出面唔小心踩到人同

係屋企唔小心踩到屋企人會點??假如對方係粗人可能會一句粗口飛埋黎..

屋企人即使嬲都會有個限度..

所以我自己成日同自己講,,做好自己本分就唔會有人話,,係屋企就做返仔既角色,,

係街外就做返街外人既角色,,先唔好影響到人,,唔好俾人捉到你"痛腳",,

你阿媽點解會覺得你冇左佢唔得呢??因為你既表現,,講既唔係你有野做錯,,

係你平時做人或處事既態度係俾人咩感覺~~呢d野會俾人感覺到你成唔成熟

或者我覺得唔應該用"冇左佢唔得"呢個字眼,,應該係佢覺得你未係時候自立,,

講真丫~我自己就覺得,,教女仔同教男仔唔同,,教女仔的話你會驚佢俾朋輩影響,,

最後會識到d唔好但你自以為覺得好既男仔,,對於一個女仔黎講,,我覺得係個大

損失..

其實..係心理學既角度既其中一點,,"每個行為背後都會有個好處"..你可以嘗試放

下自己,,先代入阿媽既角度,,佢想你做事前問佢係有咩好處??佢唔俾你落街又有

咩好處??我有個男仔fd19歲..佢阿媽連踩單車都唔俾,,所以佢架單車日日放我屋

企,,佢又係好多野想做想玩,,但屋企人唔俾,,我亦有個堂妹,,佢阿嬸對佢,,自由度

都算大,,17歲啦~佢同佢阿媽(即我阿嬸)大家有講有笑,,個種講笑係你難以想像,,

以我所知,,堂妹同叫佢阿媽做死八婆都唔嬲,,我自己都覺得有d o咀啦~~但老實

講,,並唔代表佢阿媽咩都冇所謂,,只要唔學壞都做自己就得,,


而我想帶出既就係,,先要做好自己,,但亦要諗下做完對方會點先做..可以話對症下

藥啦~個個家庭唔同,,真係唔滿意既,,你可以問"點解??"或叫佢俾個說服你既原因

總好過大家唔清唔楚又艾交嘛~~


有問題可以再留=]