關於金魚既問題(15點)

濾水器同氣泵,唔一定要有氣泵,但濾水器就一定要有,
因為金魚排泄量好高,冇濾水器就好快成缸魚屎,
而且你買左某類型濾水器,基本上已可以做埋氣泵果個功能,供氧~

新手冇話養邊種金魚最好既,每一類型都可以養,
睇下閣下最鍾意邊類型吧,好似我咁,我比較鍾意「蘭壽」,
金魚有幾個種類:
1)蘭壽
2)獅頭
3)遍地金/地金
4)鴻運當頭
5)波子砟鱗
6)水泡眼

養魚其實最重要係有濾水器,氣泵唔係一定要有,
除非你細缸養過量魚隻,造成超養,出現缺氧情況先會用到,
一般情況下有濾水器就已經好足夠~

想詳細睇睇金魚果幾個品種既相片,歡迎到小弟個blog=]

2010-08-12 19:08:30 補充：
其實濾水器同樣已做左養菌既程序,冇需加水妖去重複動作,
而且有水妖冇生物環都係冇用,水妖養菌量係極少,相反濾水器係睇容量去決定多少,
放得多生物環,養菌量自然多,水妖連氣泵只係用於細缸冇濾水器時代替,
水妖主要作用係將氣泵出既氣打散,作用同氣木、氣石相同,所以唔好當佢萬能!!

另最好係網上問各位養開魚既魚友,佢地既知識非常豐富,
相反出面水族店既職員、老闆好多時只為賺錢而開鋪,對養魚未必有咁多認識,
而且一返魚佢地就入袋,根本好少會養起,盡量都唔好係出面問職員,
除左部分較專業既店鋪,如水草店、草逸店、潮水店等,佢地老闆參加水草造景等比賽多年,心得比其他鋪一定多,經驗絕對係無庸置疑~

養金魚系咪一定要濾水器同氣泵.淨系買濾水器得5得?

養金魚係一定要濾水器同氣泵,淨係買濾水器唔得,

點解?

因為氣泵加上一條氣喉,再加上一個(水妖精),來制造消化細菌的,
所有魚都要需要消化細菌才能健康成長的,用氣泵來做消化細菌效果相當好

什麽是(水妖精)?

(水妖精)是一個黑色海綿的物體,各大魚用器材用品有得賣,
唔知既話你講比d售货員聽佢地會攞比你。

新手養邊種金魚系最好?

最平既金魚最好,每條$10,旺角金魚街有得賣,d$10條既金魚都好靚架,
鴻運當頭同獅頭都幾靚,養掂左先買d幾百蚊條既金魚玩啦!
盡量買缸裹面d魚啦,唔好買袋魚呀,袋魚會好容易死架。

甘有咩金魚淨系用濾水器.吾洗氣泵-_-?

沒有！

氣泵: 最好係有充電果隻,停電時還可以打氣10小時,萬一返左工或者返左學停電,你回家時都唔會見到全缸魚死曬甘慘,價錢大約$250-$300一個,如果覺得贵就買d無充電既氣泵,最平幾十蚊就有一個。

温馨提示!

你養金魚都要落d食用粗鹽入魚缸,每10公升水落食用粗鹽1匙,食飯盒果隻匙
因為鹽用來保護條魚d皮膚,唔落的話條魚個身好易生野架,
到時候又要醫就麻煩啦!放心吧!d粗鹽唔會咸死d魚架!

其實唔用氣泵淨用濾水器養金魚免強都可以,但係最好唔好啦,
因為真係好容易全缸魚會死曬,還是洗多小小錢買個氣泵和(水妖精)吧!

祝你養金魚成功吧!