✔ 最佳答案
(1)為何感冒咁難清(無論係作病前睇中醫或作病後食晒西藥睇中醫, 個醫師都係咁講.) ?
由於你到任何地方, 都開住勁凍的冷氣, 外面好似火爐, 室內好似雪櫃
同時你的抵抗力又欠佳, 你的感冒又點會容易好
睇中醫, 1來好花時間及要煲藥?
現時已不用煲中藥架啦, 就算廣華醫院都推行中藥沖劑, 十分方便
2來d藥都幾貴?
同意你的講法 ... 但病都要睇醫生治療, 唔睇又點會好
3來睇極都話未清, 我平均每個月都睇至少一次, 咁我咪長期感冒患者睇極未好過????
睇一次就停左, 係唔會痊癒, 起碼連續兩三次, 連續服食10劑藥才會完全痊癒, 不宜拖長來治療
4. 來果間藥房的職員態度好衰!!! 見我推住bb車帶住個b, 都鬧過我阻住佢地地方做生意! 真係好唔想再幫襯.
既然你都覺我間藥房的職員態度唔好, 醫師又醫你感冒唔斷尾, 不明白你為什麼仲去睇???
(2) 係知識search有人問過及答過呢個答案幾好 ... 去位x堂有專係清感冒藥.但除此方法外仲有冇更好方法?
廣華醫院中醫部有得預約睇中醫師
3. 有冇人聽過係家煲咩簡單d的材料可以清感冒及預防呢?
如果你感冒成日都唔清, 不宜亂飲老火湯, 以免外感存裡, 弄到感冒成日都清唔到
以下預防感冒清肝火及解表茶給你作參考:
夏枯草一兩, 桑葉3錢, 菊花5錢 (若感冒用甘菊) 2碗半水煎成八分
服前宜請教中醫師
2010-08-12 15:30:08 補充:
4. 來果間藥房的職員態度好衰!!! 見我推住bb車帶住個b, 都鬧過我阻住佢地地方做生意! 真係好唔想再幫襯.
既然你都覺得間藥房的職員態度唔好, 醫師又醫你感冒唔斷尾, 不明白你為什麼仲去睇???