我想問自創英文名得唔得?

當然可以啦！好多名都係無解釋﹐查唔到嘅！你鍾意你就改啦！一d都唔怪！我個英文名其實都好冷門﹐故如果有d人唔識讀﹐可能會改你花名﹐呢個係壞處。而好處就係可以無咁容易同人撞名。
Re:
我就係驚人地問我英文名係咩，我講左出黎會好怪，特別係搵工同報學校果陣

就以上問題﹐我覺得你唔洗咁驚﹐搵工同報學校唔會一見到你個英文名怪就唔取錄你﹐只要你有實力就OKay架啦！唔洗理人咁多﹐自己鍾意先至係最重要！

樓主係唔係男仔﹖其實仲有好多無乜人用但又有人見過既英文名，下面係一啲好少人用既男仔名，樓主是但改一個都夠用﹕

Carlos / Carlo: 這是意大利男士常見的名字。

Eugene: 小弟發現多是外國人用這名字。

Gregory or Greg: 同樣是外國人用這名字較多。

Carl or Karl:　K字頭Karl係一個通街都係既極常見德國男人名，但係德國人之外就好少人叫呢個名。

Herman: 同樣都係通街都係既極常見德國男人名，但係德國人之外根本就無人叫呢個名。

Otto: 常見的德國男人名。

Herbert: 一個連鬼仔好少見既英文男仔名。

Hector: 特洛伊戰爭中特洛伊城太子既名字，係攻方希臘軍領袖阿基里斯既偉大對手，呢個名係西方一定有人識，但又好奇怪無人用來做自己個名，總之我覺得呢個名好有型。

Constantine: 常見於東歐國家既男仔名，我覺得呢個名好型。

Dominique: 一個男女都用得既名，最緊要係根本無中國人用呢個名。

Grant: 一個只見於美國既男仔名，我覺得幾有型。

Jean or Sean: 常見的法國男人名。

Ian: 有Ian Wright之後，相信這名字無人不識。

Leslie: 我記得只有張國榮哥哥叫呢個名，自問夠靚仔可以用下。

Joshua: 一個常見既英文名。佢既中文譯名“約書亞”應該人人聽過。

Elvis: 如果自問夠英俊，可以試試同貓王同名。

Ralph﹕一個只見於美國人既名，而且即使係美國都好少見。

Nicholas: 謝霆鋒既英文名，幾有型，又少有改，係唔錯既選擇。

Vladimir: 一個極為普遍既俄羅斯男人名，但俄國人以外無人用。

Dimitry: 一個極為普遍既俄羅斯男人名，但俄國人以外無人用。

Vasili: 一個極為普遍既俄羅斯男人名，但俄國人以外無人用。

Joachim: 一個唔算太普遍既男人名，主要係德國人用。

Ulysses: 希臘神話英雄奧德修斯既拉丁名，有唔少美國人改呢個名，包括因內戰成名既格蘭特總統。

Sebastian: 一個常見既西班牙男人名。呢個名來自一個基督教聖徒，所以呢個名宗教味好重。

Soloman﹕所羅門係外國既係姓氏亦可以係名，都係嗰句，我覺得呢個名好型。

Gabriel: 聖經中報喜天使既名，同樣係一個宗教味好重既名，但係名國有唔少人改。

Alvin, Tory, Jamie﹕三個都係常見於美國人英文名。

Diego, Pepe, Salvador﹕三個都係常見於西班牙人既名。

Maximilian﹕一個連鬼佬都少用既名，完全無見個中國人改，因為呢個名好長，亦幾難讀。

得，你可以用，不用理人地。