由關西機場去難波站,,,,,,(超然唔明白)

首先大阪的鐵路主要分"JR"、"私鉄"、"地下鉄"

南海本線係"南海電気鉄道(私鉄)"所經營的其一中條線路
而你所講的 関空特急 同 関空快速 都係 JR 的線路
所以如果你係睇緊 JR 的線路圖，就當然唔會搵到南海本線的資料

由機場出發的話可以坐 JR 或者南海電鉄都可以直接去到難波
一出機場就會見到個站，JR 同南海電鉄的閘口都係在同一個位
冇記錯的話 JR (綠色)係左邊南海電鉄(橙色)係右邊
佢有紅大隻字寫到明，放心唔會錯的

係住富士屋我都住過幾次，建議不要由難波去
如果係唸住難波行過去都幾遠，最少行 15 分鐘，
又或者唸住難波轉地鉄由心斎橋行過去都唔係咁好，因為要行細街。
第一次去岩岩到步，仲要拖住行李行的話都幾麻煩可能會唔知自己行左去邊

最近酒店的其實係一個叫"長堀橋"的地下鉄站↓
http://*****/maps/Ezrl
不過呢個站的出口全部都係樓梯， 冇 lift 或者扶手電梯。
平時出街時當然就冇問題，但係當你拎住行李會非常之唔方便

其次最近的就會係 "日本橋" 地下鉄站↓
http://*****/maps/H8Rj
要注意的是最近的 2 號出口同樣係冇電梯，所以要由對面馬路的 5 號出口出
上左地面後經過天橋底一直線行10分鐘左右就會去到富士屋

要去日本橋的話先坐南海電鐵去到天下茶屋站轉地鐵堺筋線再在日本橋站下車，車程大約係 55 分鐘，車費機場→天下茶屋 890yen, 天下茶屋→日本橋 230yen


另外順便提一提在日本坐鐵路要留意幾樣野

● 買單程車票
1) 買車票時先在售票機上面的路線圖搵左車費先，再買相同費用的車票
2) 新式售票機(TOUCH SCREEN) 可以入錢 or 按制先都 ok
舊式售票機要先入錢再按制
3) 買錯左可以同票服員講, 會退返錢比你

● 列車有分"普通"、"快速"、"新快速"、"急行"、"特急"之類
1)"普通"係站站停，其他的有部份站唔停，月台會有路線路寫明分別會停咩站
2)坐"特急"除左基本車費之外係要另外再買特急券的，即係會貴d，其他的話就唔洗

● 上車前要留意，唔好一有車黎就上去
1) 大站的話有可能一個月台由幾條線路共用，睇清楚係咪你要坐的線路先\
2) 架車未必係去終點站。類似你坐東鐵去羅湖咁，有部份列車只係去到上水就返轉頭，睇清楚佢的路程包唔包括你要去的站。列車以邊個站做終點，可以在月台的時刻表度確認到。

雖然日本鐵路就咁睇好似好亂又好複雜咁，但係當你去到坐得一、兩次就會發覺其實好易明，唔洗太擔心。


如果怕有 d 地方唔識行(地下街除外)，出發前善用一下 google map 的街景功能睇定 d 路點行先會方便好多
另外其他路線的可以上 http://www.ekikara.jp/ 輸入出發同目的地車站搵
可以搵晒時間、車費、路線等等的資料

如果再有問題可以直接問我都 ok =]

其實日本有很多間鐵路公司, JR, 南海是公司的名, 如果要搭南海電鐵就要睇返南海的WEBSITE, JR的WEBSITE是沒有.

http://www.nankai.co.jp/global/english/index.html


機場跟車站是連接著的, 你去到關西空港, 跟著指示, 很容易找的, 不用太擔心.