關於好多初生BB(個半-2個月大）有痰同咳

我個BB近排係咁不斷咳同有好多痰，已持續三個禮拜，
睇左三次唔同既醫生。本身上個月佢個陣已經開始每餐食到4安奶，
但自從佢有咳同痰，就經常嘔奶，奶裡面仲有好多痰，
咁去睇醫生，頭兩個醫生都話佢唔嚴重，就開左化痰藥俾佢食，
就話佢係感冒咳，但食藥一直唔見有效，而且食藥因為有睡意，
搞到佢成日訓，令佢胃口大減，訓足五六個鐘都只係食得2-3安奶，
所以痾屎都痾唔出，好容易扭計精神都唔好，但嘔奶就再冇。

我好驚佢咁食藥法會令佢輕磅唔夠營養身體差，所以後來冇再覆診，
佢的確係精神左d，食奶終於慢慢回復至少有3安，痰比初時算少左，
但仲見有痰，而且咳依然係冇停過，仲越咳越厲害咁！
所以決定睇第三個醫生，醫生話佢支氣管炎，但佢一直冇發過燒，
話未去到好嚴重，醫生就話佢開既藥會遷就番等佢食慾好d唔會影響到，
雖然的確食多過之前，不過都唔係太肯食，好辛苦先慢慢哄到佢食到3-4安~

而今個月16號就打針，我好怕佢咁既情況會影響得好嚴重！
佢食緊個隻奶係好OK，至少好健康有屎痾，所以唔想轉奶，
但有咩方法令佢可以快d斷尾？