只狗俾狗咬...點算??

狗狗經常有呢個行為,原因有-

1/認為自己係最強,要做領袖~
先了解狗嘅集性,狗係群體生活嘅,佢哋會喺狗群當中搵最好打嘅一隻去做領袖,而領袖會瞓最舒服嘅地方,食最好嘅嘢!!領袖嘅工作會係保護自己狗群同為狗群掙取更多利益(如食物or地盤)!!
試想想,你隻狗喺屋企係唔係瞓喺佢認為最舒服嘅地方(疏化or床)?當佢要食嘢,你就無條件咁攞俾佢?如果係咁,你喺佢心目中只係一個服侍佢嘅僕人,而唔係主人,佢又點會服從你呢?到佢出街見到唔識嘅狗狗,佢就會以打交去分出邊一個係強者!!

2/狗狗本身係咩品種~
如果狗狗本身係比其他狗狗細隻嘅,佢有可以係因為怕其他狗會攻擊自己,而去惡咗先!!

3/狗狗曾經俾其他狗咬過~
如果你曾經同佢去散步時,佢俾其他狗打,咁佢會對你冇信心,覺得你嘅個領袖保護唔到自己,所以佢只好自己做領袖,去保護自己同保護你!!

呢3個情況嘅解決方法都唔一樣,亦唔係"只要做一樣嘢"佢就會變得服從架!!不過主要都係要分清主僕關係,要俾佢知道你自己係領袖,會保護佢!!唔需要佢去打交囉!!
犬隻訓練唔係一朝一夕嘅!!要有耐性,有愛心,肯付出時間,肯常試!!我隻狗已前都係咁架!!因為佢會打交,d狗朋友一見到我哋就即刻走!!當時我都好唔開心架!!所以我就搵咗saa嘅犬隻訓練顧問mack幫手,我隻狗狗而家唔會再好似已前咁喇!!有好多狗朋友,重個個見到佢都話佢乖tim!!如果自己真係攪唔掂,不防考慮一下搵專人搵手吖!!

1. 狗同狗打交, 冇人受傷, 冇人動手襲擊, 警察不會受理, (真係薄都唔落ga)
2. 如果你知狗主姓名, (起碼都要有張清楚見人樣狗樣冇拖繩ge相), 佢隻狗又係20公斤以上, 又冇甩繩牌, 可向漁護署投訴. 因狗主可能已觸犯香港法例. 係投訴狗主唔係隻狗.
3. 如果你知狗主姓名, 獸醫醫療費+行政費(eg.帶狗睇獸醫的交通費), 不超過5萬, 可向小額訟裁處申請索償. 狗主唔肯賠會開庭等判, 唔使律師. 詳見:
http://www.judiciary.gov.hk/tc/crt_services/pphlt/html/sc.htm

講我所知，你可以參考下。

1) 除醫療費用，妳可以加入因今次索償之行政費，帶狗睇醫生，此行政院費一定要「恰當」，勿太高。

2) 如果當日佢有賠過$比妳，最好保持證據，有助索償。

3) 呢d CASE，一般都是靠個官信邊個啱而決……

報警處理，向律師詢問接下來如何做。

記得影傷口！同埋帶隻狗去獸醫到化驗和治療傷口.

原因: 因為影傷口先可以證明你冇講大話.

帶隻狗去獸醫到化驗傷口

原因: 因為每隻狗的牙齒結構和口水分秘不同,造成不同ge傷口,

化驗傷口可以易些知道哪隻狗咬傷你隻狗

意見:
報警 唔理都好 都要攞備案號碼 而且警察 係應該要受理
小額錢債 幫你唔到 因為 對方唔認數 唔係對方認左唔比錢
你要去民市起訴佢 但就要搵律師攪 自己攪都得 不過好麻煩 而且 一般人唔係咁清楚細節 呢方面既官司 識打既律師真係唔多 你需要細心o的搵律師行
你而家可以做既
第一 叫獸醫開一張驗傷紙 有需要既話 帶去政府狗房或愛協驗傷

第二 口頭警告或搵律師 出一封律師信比對方 睇對方肯唔肯 和解 唔肯既話 就叫你既律師入紙 進入法律程序

盡可能影多o的狗狗既相 如果可以影到對方狗隻發狂既相更好

以上 只係可以幫到你少少 希望你既狗仔 早日康復

請問你告佢d咩- -狗本身都會打架