retake問題

你又讀HD, 又Retake 3科高考, 你自己能否應付? 唔好以為HD一定好易讀, wordload唔細. 10/11月及3/4月有中期試, 12月考大考, 間中亦會有下project做, 又要上堂. 想讀得好又要花時間讀, 到時你未必有好多時間讀AL. 就算你走堂讀AL, 都要花時間去追番進度. 我建議你一係集中AL, 一係集中HD. 好多人又讀HD/ASSO又考AL, 結果兩頭唔到岸. 選擇重考AL前, 先問問你自己:
1. 點解今年成績咁差? 如果你只係為左啖氣去重考, 但自己根本盡晒力都係考成咁, 我唔建議你再考.

2. 你自己自律性強唔強? 自修係無人迫你讀書. 如果你只係得三分鐘熱度, 做事心散, 你AL點會讀得好? 有D人9月報左AL, 到1月先知大件事後先去讀書, 最後成績都係唔好. 你係想重考就要盡早讀書, 由頭到尾都要有個決心去讀, 並盡量針對自己弱點去改.

3. 就算可以讀, 成績夠唔夠你讀想報的Degree? 今年聽聞理科2D都無Offer. 好多學系收生成績一年比一年高, 你考慮時仲要預算下年成績大約係點?

如果你仍未決定自己選擇邊樣好. 而家開始讀AL, 9月你報AL, HD讀到10月諗下自己係唔係讀得OK. 覺得自己HD唔得就專心讀AL. 所謂好係指GPA過到3/3.3/3.5/3.7, 理科要求低D, 其他科會要求高, 特別是商科. 到1月學校出左成績後覺得GPA係得既就用NON-JUPAS報大學. 如果GPA太差時就唔該你專心起AL.

NON-JUPAS主要睇3樣野: GPA、AL及面試. Year 1會比year 2睇重AL. 如果你AL唔係特別好, GPA就要好先博到面試機會. GPA/AL係你面試入場券, 而面試就係決定你能否獲大學取錄的重要因素. 考到好的GPA並唔係容易的事. Year 2升U一般會睇你Year 1及Year 2上學期成績.