有左bb,,,公司當我自動離職....[超急 ]!!!!!

好明顯呢個係一個不負責任、專蝦D細路女唔識嘢又怕事o既衰腦細, 唔緊要, 我可以提供D資料俾你.

首先, 你入職前, 有冇簽僱庸合約? (我估你冇, 通常呢D衰腦細都特登話 "唔使簽", 因為諗住可以隨時反口)
我當你冇簽先, 但係即使口頭協議, 都具有法律約束力, 所以根據勞工法例, 僱主已經同意你攞十幾日假o既情況之下, 係唔可以隨便更改僱傭合約 (即係你入職時所協議o既薪金)
無論於任何協議下聘任員工, 僱用協議條件一定不能低於勞工法例發出之指引;
以你o既情況, 冇講明試用期, 就需要根據勞工法例指引:
試用期內的首個月──無需通知期/代通知金以終止僱傭合約
試用期內的第一個月後──不少過7天通知/代通知金以終止僱傭合約

好, 最後你腦細都肯維持原本薪金, 所以繼續講下一point...

即使唔係孕婦, 僱員根據連續性合約受僱, 在最初受僱的12個月內, 每受僱滿一個月即可累積有薪病假日2天;
你5月24號入職, 你入院嗰日我當你返唔夠2個月, 都有2日有薪病假

你話你出咗院後, 腦細叫你「搞掂自己D嘢先, 搞掂先好打比佢」, 當中冇任何「解雇你」o既意思~
而根據僱傭條例第57章第15條1D(b):
懷孕僱員之「工資」(wages) 包括懷孕僱員在僱主同意下放取的假期.

但係8日後你腦細表示你已經被解雇, 但係根據勞工法例:
除非僱員犯嚴重過失, 僱主不可以解僱懷孕僱員.
「佢話當我自動離職」呢D嘢冇得「當」, 佢最多只可以「當」你曠工, 不過明明你第二個腦細叫你「搞掂自己D嘢先」, 咁即係你並非曠工, 只係腦細放你假only~
無論係勞資雙方, 任何一方希望終止僱庸合約, 都有責任作出通知, 並唔係佢所講「話應該係你通知佢, 唔係佢黎搵你」


1. 同老細請左假,佢同意,呢樣算係工作期嗎?算係停薪留職嗎?
>>>而根據僱傭條例第57章第15條1D(b):
>>>懷孕僱員之「工資」(wages) 包括懷孕僱員在僱主同意下放取的假期

2,唔係我比左懷孕通知佢(醫生紙),就已經關佢事(我知我係冇薪產假)?
>>>係

3,其實我講既係我ready去唔要個bb...所以同僱主講話我暫時返唔到工...佢就叫我搞掂自己d野先...我係冇比確實日期佢,但係都叫請左假嗎?
>>>係

4,我由5月24日到7月10日(入急症個日),唔係有2日有薪病假咩?
>>>係

5,我冇講過辭職,佢可以當嗎?仲話扣我7日??
>>>唔可以

6,僱主冇責任去問員工情況嗎?
>>>其實冇責任, 不過無論係勞資雙方, 任何一方希望終止僱庸合約, 都有責任作出通知, 並唔係佢所講「話應該係你通知佢, 唔係佢黎搵你」

7,個陣我填MPF個日期係個老細叫我當係7月1號,如果我搞到去勞工處會有影響嗎?
>>>你意思係當你7月1號先入職? 如果係o既話, 當然有影響, 僱主為咗幫你供少 D MPF 而咁做係犯法;
>>>但係對你冇影響, 因為你入職60日後先需要開始供MPF~

8,我有咩可以做到??我只係覺得對我好唔公平...
>>>你可以向就近一間勞資關係科分區辦事處求助 (記得帶齊所有你認為對你有幫助o既文件, 例如入職時簽過任何合約/合約副本、醫生証明書等等), 各辦事處地址可瀏覽以下網頁:
>>>http://www.labour.gov.hk/tc/tele/lr1.htm
>>>另外, 你覺得呢件事感到不公, 可以向平機會投訴: (你腦細因為你懷孕而炒你已經係觸犯歧視條例)
>>>http://www.eoc.org.hk/eoc/GraphicsFolder/showcontent.aspx?content=Sex Discrimination Ordinance and I


傻女, 下次即使個腦細個樣有幾咁和藹可親又好, 係咪熟人介紹都好, 都記得乜都要白紙黑字簽清楚, 同埋保留副本, 做打工仔要識得保障自己, 因為我同我舊同事都曾經中過招, 所以我而家對D勞工法例半隻字都唔會放過.

這裏可以幫到你
http://yahooiua.v50.host11.net/yahoo.com.hk/hk/auction/178987536

你和公司有沒有連續性合約會決定你有沒有資格得到生育保障，要為僱主連續工作4星期，每星期不少於18工時，法例才會承認你和公司有連續性合約。
你6月初放完十多天"假"就可以肯定5月份那一個星期不會計算在連續工作四星期內！談妥薪酬條件後上班是6月幾號了？那天至7月10日如果有24天的話，你還是有機會是連續連合約。

如果你有連續性合約，又沒說過有試用期，除了你犯上嚴重過失被即時解僱外，僱主解僱你就是違法，如果這份工有超過12星期或以上試用期，僱主仍可在12星期內以你未能通過試用期把你解僱。

1. 同老細請左假,佢同意,呢樣算係工作期嗎?算係停薪留職嗎?
答：僱主答應讓你請假會是無薪假期(停薪留職)。

2,唔係我比左懷孕通知佢(醫生紙),就已經關佢事(我知我係冇薪產假)?
答：還得要是連續性合約員工，僱員才可以有生育保障。

3,我算係同佢請假嗎?(佢咁答我,我以為係請左)
答：算你是放假，也會因你沒有足夠連續工作四星期而沒有生育保障。

4,我由5月24日到7月10日(入急症個日),唔係有2日有薪病假咩?
答：連續性合約僱員才會有"有薪病假"。

5,我冇講過辭職,佢可以當嗎?仲話扣我7日??
答：不可以！

6,僱主冇責任去問員工情況嗎?
答：發覺無人返工，僱主一定問過你去了那裡，是否給你探病是僱主個人選擇。

7,個陣我填MPF個日期係個老細叫我當係7月1號,如果我搞到去勞工處會有影響嗎?
答：沒影響，勞工處只計算你實際上班日數與工時。

8,我有咩可以做到??我只係覺得對我好唔公平...
答：還可以嘗試試聯絡勞工處查詢相關問題。

妳寫的真係幾長，不過，我都睇完先回覆妳，如下：

1） 同老細請左假,佢同意,呢樣算係工作期嗎?算係停薪留職嗎?

＞工作期，是指什麼，我不太清楚，但我估計妳是說在這段請假期間，都算是僱傭期間。

＞算停薪留職。

2）唔係我比左懷孕通知佢(醫生紙),就已經關佢事(我知我係冇薪產假)?

＞當妳將有關由醫生所發出的懷孕通知書／預產期通知僱主，僱主不可視而不見。

3）我算係同佢請假嗎?(佢咁答我,我以為係請左)

＞其實，妳只是知會僱主已懷孕，但仍然未曾確實向僱主說明何時開始請分娩假。凡事要確實執行，不能用：以為當成真 ，否則日後可能有更多的誤會發生。

＞若得到僱主的同意，僱員可選擇在預產期前2 至4 星期開始放產假。

＞如僱員沒有提出要求，或未得到僱主的同意，則須在預產期前4 星期開始放產假。

如僱員在未開始放產假前已分娩，則以分娩日爲產假開始的日期。在這情況下，僱員須在分娩後7 天內將分娩日期通知僱主，並說明放10 星期產假的打算。

http://www.labour.gov.hk/tc/public/pdf/wcp/ConciseGuide/06.pdf
（參考放取產假）


4）我由5月24日到7月10日(入急症個日),唔係有2日有薪病假咩?

＞一般的有薪病假，需要連續４日及有足夠的累積病假日才可享有，但妳的情況，只要有累積病假日，即使是１日，也可享有有薪病假。

＞懷孕僱員因產前檢查、產後治療或流產而缺勤的每一天，如有適當醫生證明書，可作病假計算。
http://www.labour.gov.hk/tc/public/pdf/wcp/ConciseGuide/06.pdf
（參考：檢查）

５）我冇講過辭職,佢可以當嗎?仲話扣我7日??

＞不可以。扣７日更加不可以，而且還違反勞工法例。
http://www.labour.gov.hk/tc/public/pdf/wcp/ConciseGuide/06.pdf
（參考：職業保障）

６）僱主冇責任去問員工情況嗎?

＞當然有。但僱員同樣有責任將有關懷孕資料上報公司。即是說，雙方都有責任。

７）個陣我填MPF個日期係個老細叫我當係7月1號,如果我搞到去勞工處會有影響嗎?

是會有影響的，僱主這樣做，目的是逃避責任，分析如下：

＞僱主逃避由５月２４日～６月３０日的強積金供款。

＞僱主逃避妳應得的２日有薪病假。

＞以７月１日入職日計算，如果在此日開始，工作不足４星期的話（即７月２７日），公司可以不給妳放１０星期產假

＞少計妳個多月的工作年資（不可看少這少許年資，年資不足２年，可以不比遣散費）
http://www.labour.gov.hk/tc/public/pdf/wcp/ConciseGuide/06.pdf
（參考：產假～在產假開始前按連續性合約爲僱主服務）


８）我有咩可以做到??我只係覺得對我好唔公平...

當然有辦法，如下：

＞僱傭合約（口頭合約也具有同等法律效力），糧單，銀行出糧記錄，打咭記錄，支票出糧記錄都可證明妳不是７月１日入職。當然，最好是糧單記錄及打咭記錄。


溫馨提示：

如果公司堅持妳是由７月１日入職的話，我建議妳即去妳工作地區的勞工處要求協，妳只要將事實全部講出，便可幫妳討回公道。