咁樣既人,你肯唔肯同佢做fd? 男女請入 好長 嫌煩勿入喇~

我係個肥妹黎架
高159,但係就重135磅....

我覺得自己個樣普通,
但係有女仔同我講如果我唔肥一定會令(大家都女仔可能係客套話啦)
有d男仔都話其實覺得我幾得意,有個男仔重話你瘦d一定大把人溝tim
我梗係開心啦,但係覺得佢地只係up下
自己始終都冇咩自信

性格我覺得自己唔錯,真係會用個心對fd,重會成日笑.....
係一個好positive既人,基本上做得到既話就一定會幫fd
成日搞吓gag,有時重會特登用自己肥li點去踩一踩自己,搞到佢地笑
5....我覺得我最好係唔講人是非什至叫人唔好講= ="

其實有時幾慶幸自己係肥,
因為唔知點解我硬係覺得我唔係肥(一般女仔)既話會好衰,
如果唔係可能我係做傷害人戈個..
就係因為我而家肥會俾人笑俾人話,我先知其實咁樣係好慘,
我明白,所以唔會講人是非;]
亦都寧願我係而家咁,好過做話人地戈個,至起碼e+既我一直都算係個好人

其實我都滿足,可能係我個人冇乜野,所以fd都ok多,男女都肯同我玩,
of cos一定有d人唔中意我,都會令我有好唔開心既時候,但係我都覺得e+唔錯

我就係一個咁既人,一個咁樣既肥妹....
如果係做fd,什至係女朋友- -大家肯唔肯接唔接受到?