"潛行空間"的結局問題??!!

2010-08-07 5:28 pm

✔ 最佳答案

套戲前兩日睇完，個結局明顯係Open Ending。導演無確實交待Leonardo有無番到來現實，各位觀眾可以靠自己判斷結局如何。難得既係導演兼編劇Christopher Nolan實在係現今荷里活難得既天才，一個咁複雜既劇本唔單止講得通埋到尾，而且個Open Ending亦真係夠Open，你點解讀都得。你可以話Leonardo因為已經同兩個仔女團聚而重回現實。但Leonardo無端端就可以入境美國，佢自己都解釋唔到點解，就正如佢話無人解釋到點樣去到夢中所身處既環境，再加上最後個陀螺始終未完全停低，所以你亦可以話Leonardo既兩個仔女完全係佢自己既潛意識投射，正如佢已過身既太太係佢既潛意識中照樣活著，從而推論出Leonardo身處既只係夢境。

不過個結局既重點唔係Leonardo是否重回現實，而係佢一直都想與家人，尤其係兩個仔女團聚，最終佢都如願以嘗，呢個先至係重點。