品牌車軚安全性

本來一架普通的私家車, 前後用同一個 size 嘅輪胎的話, 如有你所講嘅情況, 只要後面兩條輪胎坑紋仲夠同埋冇異樣的話, 就可以將後面嗰兩條調上前面, 之後後面安裝兩條同一款式嘅新胎.

將舊胎放前面而新胎放後面嘅原因, 係因為新胎比舊胎嘅抓著力高. 如果前面抓著力高過後面, 失控時就容易發尾/甩尾 (oversteer, 轉向過多), 但係如果後面比前面抓著力高, 失控時就通常只係推頭 (Understeer, 轉向不足) 一般駕駛者可以通過收油踩迫扭馱就救到車.

但你上一手車主將架車四條胎搞到咁就實在太不智. 首先佢一定條貪平, 或者比人昆, 又或者係剩係貪型其實係蒼蠅嘅嗰類人. 首先點解要前後 size 唔一樣呢? 第二係前後唔同牌子; 第三, 較過份嘅, 係同原廠唔同 size. A190 原廠應該配用 195/50-16 嘅胎, 並唔係 195-45-16.

所以我建議你一勞永逸, 小心駛得萬年船, 一次過換晒四條同一款式嘅 195/50-16 輪胎就最好. 每個牌子都有唔同款嘅胎適合唔同車同駕駛風格, 好似 Bridgestone, 就有較跑嘅 S001, 要舒適就有 GR-90. 好難話邊個牌子好D, 視乎你想要乜.

不過 195/50-16 呢個size 嘅胎唔係咁多款式, 可考慮 Dunlop FM901, Continental 馬牌ContiPremiumContact 2.

最好四條一次過換,Goodyear都ok我都用過,如果想好用唔使多講"石橋"啦九百蚊到啦一條,又靜,去水又好,新手安全D好!一路順風!