✔ 最佳答案
魚缸冇水流其實冇影響,不過好易滋生蚊蟲,
所以水流好重要~
除左濾水器,仲可以裝氣泵、潛水泵,
氣泵打氣時會係水中產生氣泡,都算係有流動,
而潛水泵只係簡單一入一出水,等於濾水器冇左裝濾材位置,
比較細小,但係咁樣就寧願有放濾材位置做埋過濾,
水質一定好好多!!
濾水器要係透明,唔清楚你想要咩類型....
至於出、入水口可以隨意放,只有濾桶,
佢既出入水口都係根據自己既需要而放置,通常都係左邊出就右邊入,
或右邊出就左邊入,兩個位置相對就可以有效過濾~
ADA好似冇出過濾水器,佢只係一種專門製造水草用品既牌子~
你要既器材、水族用品,全部都可以係旺角金魚街搵到,
太子地鐵站B2出口,到地面後直行至斑馬線轉左,
行到近油站就穿過佢到對面街,左邊萬寧,右邊小食店,
成條都係金魚街,原名「通菜街」~
一個濾桶由$75-1XXX不等,睇你買咩類型同牌子~