所謂的Band 1中學是否應該這樣處理學生的?

我是將軍澳band 1 學校學生之家長,以下是我覺得不憤的事情,大家請評理 :
楊校長在接見我們的當天 , 校長要求我們寫退學信 , 爸爸問校長可否等兒子讀埋中三先退學?校長話唔得,爸爸說 :校長嘅意思係咪要佢即刻退學?校長說 :係 ! 校長根本未了解所有事情,從沒接見我個仔,只係聽副校長,訓導主任及周老師說話便下判斷,是否處理不當?是一間學校正校長的所為?是否有資格繼續做校長?彭副校長之前同我講:個仔和幾位同學犯了事,考試亦在即,所有事情等考完試先處理,但考試途中沒有事先通知便處理事情 , 這是否講一套做一套 ? 佢同我講因我個仔頭髮長的問題及所犯的事要受罰,要在學校停課兩星期,不準上課室,就這樣我個仔失去了兩星期學習機會,對我個仔是否公平?停課期間,沒有小息,食午飯要早其他學生半小時,要在會議室午膳,沒有午膳時間,放學要等所有學生離開先可以走,沒有上堂又點樣完成每日功課?沒完成的話,又當我個仔欠交功課,試問學校有誰可以幫到我個仔?每日八個鐘就坐在會議室內,我個仔仲話,不時有老師對他說一些難聽說話 ,副校長還同我講過 ,你個仔停課喺會議室其實會令其他老師工作量增加 ,這樣的說話是甚麼意思?大人都未必可以承受得到啦,一個十幾歲嘅學生,否承受到這些壓力?同我講我個仔無返學期間會打電話給他,問吓佢近況,跟進一下,但我個仔一路都冇接過他來電,我有哂所有來電證明,證明副校長根本沒有致電給他 ,又係講一套做一套,同我講話已安排幫我個仔預約心理輔導,試下可否幫到佢,都沒有回覆,又講一套做一套,副校長同我講:我向教統局投訴沒有用,佢哋唔會幫到你,教統局係咪真係幫唔到我?簡直沒資格在學校做一個副校長.Miss Lo (訓導主任 ) :巴士吐口水事宜,有兩位同學和我個仔一齊搭巴士,吐口水根本不是我個仔,是另一位學生,他和另一位學生只係喺側邊笑,點解訓導同我講我個仔係吐口水的人?另一位只在側邊笑的學生同我講唔係你個仔吐口水的,唔係我個仔,點解訓導沒了解淸楚事情,就判定係我個仔做的?係咪佢喺學校唔聽話,時常犯規,所有違犯校規的事情都一定係我個仔所做的?擲石仔不只我個仔一人,當中還有幾位同學,訓導有冇證據證明係我個仔指使的?犯事的同學都沒有講過係我個仔指使的 ,訓導憑甚麼判定呢?勒索行為,何為勒索 ?問同學借錢都叫勒索?其他學生都一定有問過同學借錢,咁學校咪有好多勒索個案?曠課 – 訓導有否了解過是誰人提出一齊曠課呢?校服儀容不整,是否得我個仔一個校服儀容不整?全校超過十個頭髮過長, 起碼有一個學生同我個仔對返學鞋一樣,點解只係叫我個仔唔可以著返學,另外嗰位學生又可以照樣著返學?這位學生我親眼見過佢對返學鞋同我個仔對鞋係一樣的,我個仔話係嗰位同學叫我去買 ,係咪因為嗰位同學是社署管,住家舍,就可以點都得?學生食煙係唔啱,係咪全校只有我個仔食煙?點解每日返到學校都只係搜佢,而其他學生唔駛搜?手提電話係咪全校得我個仔一個人帶返學校?點解成日都要搜佢身?我可以肯定學校若然特擊檢查,全校起碼有一半以上學生帶電話的,點解每次都係只得我個仔給學校沒收電話?收咗佢電話之後仲當面查閱我個仔電話入面短訊內容及相片,這樣做是否已違犯了個人私隱條例?訓導曾致電給另一位學生之家長,提及我個仔喺學校好壞,提醒這位家長唔好比自己仔女同佢一齊玩,訓導主任點解要這樣做?點解要同其他家長提及我個仔在學校之事情?我個仔的事情其實唔關其他家長事,為何要告訴給其他家長知道?這種行為是甚麼意思?訓導主任曾致電給我話楊校長要接見我,我以為只得楊校長,彭副校長及訓導主任,點知我們到學校會議室等候時,竟然多了周志明老師及約六七位老師在場,訓導話這班老師是曾經教過你個仔,但她沒事先通知我會有咁多人,當時學生正在考試,我個仔都在考緊試,訓導仲叫埋我個仔入黎聽,情況好似在審判一樣,給我個仔親耳聽到學校要趕佢走,試問我個仔會否有心機繼續考試?會否繼續返學?自從我個仔知道之後,情緒一路都好差,連考試都唔想考,要我連同幾位同學同佢傾先肯返學校考試,過程真令我很辛苦,這件事情訓導是否做得正確?另一位,周老師曾致電給我,問我 :你個仔平時係咪好早起身?跟住我同周老師講 :係呀 ! 點解你會知嘅?老師講 :因為每晚四點鐘都給你個仔電話入面嘅鬧鐘嘈醒,之後我有打電話返學校問班主任及另一位訓導主任,班主任話唔清楚就叫訓導主任覆我,訓導主任回覆是,可能老師怕將電話放在學校會唔安全,所以帶回家,我問訓導主任,學校都唔安全,唔通帶返屋企就一定安全?若回家途中不幸唔見咗,係邊個負責?唔通全校只係收咗我個仔電話?沒有其他學生被老師收電話?以我所知有好多學生每天都有帶電話的習慣,如果每天老師沒收學生電話都要帶回家裡,咁老師屋企咪會有好多電話?大家認為有可能嗎?簡直不可思異的行為,這位老師的專業操手何在?