我應該轉工嗎?

2010-08-05 12:45 am

我今年28歲，五年前大學畢業，現在在一間大公司做文員，人工1萬多小小，己經做了三年多。最近我一直考慮轉唔轉工。原因是我工作部門好細，全職員工只有兩個(包括我，但不包括我上司，因為我上司都是兼任)，清潔啊姐都是兼職。我覺得在這個部門沒有晉升機會，再加上我部門的員工合約與其它部門不同，人工及假期都比其它部門低。其實我不是太介意人工比其它人低，我最介意是沒有晉升機會，我相信我做多十年都沒有升職機會，除非我轉去其它部門。我曾經想應徵其它工，但我部門請假要提早兩個星期，每次請假需要與另外的同事配合，年假只有十日，星期六全日都要返，若我真找新工作，我相信要請好多日假，我估我要找好幾份工、面試好幾次才能找到，我亦相信我上司都會估到我會轉工，所以我一直未找新工作。其實我現在份工工作量不大，間中會有壓力，不用加班，只是假期少及晉升機會低，人工我覺得可以(一份錢一份貨)。但自問自已唔算好叻，工作上沒有特長，但現在已參加各類課程自我增值，我怕現在唔轉工，30歲後會比較難。你們認為我應該轉工嗎?

更新1:

但我下年打算生bb喎!

回答 (7)

[匿名]

2010-08-05 8:15 am

✔ 最佳答案

其實轉工尼種事問自己就最清楚

不過我可以俾d意見你

你間公司條件唔算太好

你可以考慮轉工

出去闖下

加上你下年打算生bb

都要賺奶粉錢

既然系尼間公司做得吾好

甘就搵過第間啦

就算唔成功

起碼都唔會後悔

因為你有盡過努力=]

ps;有時吾好諗甘多

相信自己既感覺啦=]

👍 0 👎 0

[匿名]

2010-08-05 11:08 pm

1) 無時間見工唔係借口,你可以約晚上見工,或者星期日及公眾假期見工.
你更加可以話俾公司聽,屋企有急事,一定要出一出去,公司都無你辦法.

2)你打算生BB, 到時你大住個肚,邊個老細會請你返來拿產假?

3) 你話你人工覺得好低,你近排send 過幾多信,有幾多回音?
如果你send 過20份求職信,有10個要約你見工,要求薪金係2倍(即2萬),
表示你好有能力,你就快D轉,否則,一份錢一份貨,轉來都係無意思.

4) 我明白唔好貪現在份工唔辛苦,出到去有新野學,有更多升遷機會,
但你有無做好準備,將來有甚麼職位可以勝任?你自己有沒有做資料搜集?
如果你係有心轉工既,唔係一時三刻既決定,一定要有好好計劃,
例如你想出去做個資料輸入員,你都起碼要好熟打字,人地問你一分鐘可以打幾多字都可以即時回答.
否則,在沒有任何準備下,你見工只會浪費時間.
你沒有準備,先辭退現有的工作,將來會更加可悲!

請你細心考慮清楚!!

👍 0 👎 0

Kiyee

2010-08-05 10:44 pm

如果無家庭負擔, 早就應該轉。見新工暫時搵d公司附近嘅, 要求對方約見d食晏/ 放工時間, 試下個 market 同自己值$ 先啦, 咁耐無見過工 interview。唔駛真係要 take 左佢嘅。

sorry 因唔知您性別, 當您係女性先啦。 Plan 左下年生 bb, 個人認為請您" 忍辱負重"　唔好轉住, 理由如下:

1. 您已係全職正規員工, 有最少10星期有薪分娩假期, 懷孕期間成日都要定期見醫生,　衰ｄ講句如果唔舒服仲拎正牌遲反早退添。　

您試想想而家出左去，就算比您好彩搵到份筍工(高職位薪厚果只），您懷孕時有無信心重新適應所有工作量　＋　壓力。

仲有呀，　您已經３年，　萬一比人栽員 (大吉利是), 已經有最後底薪x 年資 2/3, + 一個月代通知金　＋　１０星期人工 (如您已懷孕)。

2. 　工作量不大，不用加班　
呢樣係您第時要趕番屋企休息/ 湊仔嘅好條件

3. 自問自已唔算好叻，工作上沒有特長
請問您想升咩呢？　出到去要升職, 請您先 "升呢" (五年前大學畢業, 成條街掃埋一碟啦)

👍 0 👎 0

[匿名]

2010-08-05 9:19 am

就係下年生bb今年先要轉...唔係幾時轉??

👍 0 👎 0

Alfred Yiu

2010-08-05 2:37 am

五年前大學畢業，人工1萬多小小....會唔會少得濟呢 ? 快d走人啦。

👍 0 👎 0

NicolaDavies

2010-08-05 1:28 am

想轉就轉喇..唔係諗諗下就30歲咖喇...