做野合約完補時/補假問題

問：我之前(唔記得幾時幾月)，幫學校ot過起碼半日(總計)咁唔知我會唔會有得camp返咖呢？
答：你自己都唔記得幾時幾月曾超時工作總計半天！如果個主管話："已經補返晒假俾你，你唔記得咩？"你認為你可以點回答佢呢？你答得好就可能會補返半日假俾你！

簽合約時無講過要超時工作，但實際上上班時往往有突發事件要令校工間中遲收工一段時間，這接近是所有學校的校工都經歷過的事情，其實無論做任何一份工都無乜機會永遠準時搭正收工下班的，手頭上有d工作爭少少就做完，好多人都寧願遲走一陣好過明天要從頭做過，如果只係間中遲走十零分鐘好多員工都賴得同老板計，自己於辦公時間偷賴都偷返突過來。
但被上司臨時要求超時工作，是可以拒絕或提出條件的，最常見"識做"的上司會講明超時工作後會補返時間俾下屬，要補錢就得徵求僱主同意。如果超時工作前無同上司講條件，上司又沒有作出任何承諾，你這超時工作是可以被視作是自願無償加班！

問：我係咪一定要問主管？咁樣會唔會令佢係我既工作証明上寫衰我？
答：要claim返半日工資接近不可能，有金錢上支出要過好多關，但婉轉D對主管講話自己過去經常遲收工，可唔可以補返半日事假。咁就有較大機會可以攞返半日有薪假。但真係唔俾你都係無從追究！只是校工合約，主管寫得你工作表現太差都未必過得他上司那一關，為了寫衰下屬而令上司覺得自己管治能力有問題，有腦的主管是不會這樣做，你亦可向他的上師投訴。

１）你的問題，基本上是要視乎你與學校所簽的合約內容而定，一般來說，如果OT 是有人工的話，絕大絕大部分都會在合約內註明。

２）而且，你亦記不清楚，是何年月何日的事，學校點同你跟進？

３）況且你是在合約完時才提出補時／補假的問題，事實上，是很難跟進的。

４）雖然如此，但你也可以嘗試一問主管，看他可不可以補回給你，正如你所說，對他說，你只是要求早半日走，而不是想要折算為人工，不過，你需要有心理準備，補回的機會不大。

５）至於工作証明，這是關於工作表現的評論，一個處事分明的主管，不會因此而寫衰你的，除非．．．你咁唔好彩，遇到個處事不分明的主管。