DC 的 細f 同 大F 怎樣解讀, W 同 T 又是什麼意

細 f 係鏡頭焦距. W代表在最廣角時, T代表最遠攝時.
以你既例子來講,這部相機配備了一支6.3-18.9mm既變焦鏡頭. Zoom到最廣角,影到最多景物時係6.3mm, zoom到最遠把物體拉近時係18.9mm.
至於幾多mm其實係代表鏡頭能把無限遠投射過來的光線聚焦到焦平面時，透鏡與焦平面之間的距離來計算，這個距離便稱為焦距.
http://www.dcfever.com/learn/viewglossary.php?glossary_id=37
不過單睇呢個數字係冇意思的,由於數碼相機唔同菲林,佢既感光完件係遠遠細過菲林的.用同樣焦距鏡頭,只會影到菲林所覆蓋畫面既一小部份.做成好似用咗長焦距鏡頭影咁既效果.隨住感光完件唔同大小,焦距變換比率都唔同.
http://www.dcfever.com/learn/viewglossary.php?glossary_id=6
雖然有數得計,但實在太麻煩,所以廠商除咗呢個實際焦距外,通常會標示埋相等菲林幾多mm的等效焦距,作為消費者,睇等效嗰個就得.至於幾多mm至啱用視乎你影乜,數字越細來代表影得越多景物,數字越大代表越能把遠景拉近.我認為廣角一般有28mm已經算唔錯.遠攝當然越多越好.但太高倍數變焦一來畫質會比較差,二來會比較笨重,要小心取捨.
至於大F就係可用最大光圈值.
http://www.dcfever.com/learn/viewglossary.php?glossary_id=1
數字越細代表光圈越大,光圈大好處係入光量多,可以加快快門速度,有利防手震及涷結動作.
光圈另一作用係影響景深,但在DC仔上效果好微下,可以不理.
至於點解有兩個數字係因為成本關係,DC仔好小有恆定光圈設計,一zoom遠最大可用光圈就會變小.以你的例子來講,zoom到最廣角時最大光圈有F2.9,但如果zoom到最遠就會得翻F5.4,入光量就會小好多.
至於幾多先夠用,我認為廣角時起碼有F2.8,F2.9也可,有更大光圈當然更好.但通常價錢會貴頗多.至於F3.2, F3.5嗰啲最好避免.
另外也可以到以下網頁查看相的等效焦距
http://www.dcfever.com/cameras/database.php