塘福/貝澳兩日一夜(請詳細解答,廿分,急!!!!)

若你從未去過塘福貝澳, 那麼請注意以下事項:

大嶼山好大, 以前主要是從中環坐船到梅窩碼頭, 才可以出發到島上的其他地方, 現在方便很多了, 你以坐地鐵到東涌站, 再轉車到其他地方, 東涌站有商場及超市, 買嘢好方便, 仲有大量大嶼山的士可以坐. 响梅窩碼頭都有惠康同百佳等, 但是要注意巴士好耐先至開一班, 錯過咗一班, 可能要等成個鐘頭, 因為要等下一班船到才有車, 的士就已經去晒東涌新市鎮做生意, 試過等兩個鐘都冇車, call車又話冇車.

(1)渡假屋
塘福同貝澳比較起邊度新淨d呢?? 都係一樣咁舊! 塘福會比貝澳多D選擇同埋容易揾D, 即比較集中D, 因為個度地方細D, 貝澳比較大又散, 因為有幾條村.
環境優美度邊度好d呢?? 真係好難答, 見人見志! 若要近D海邊, 行去海灘又近D, 就是塘福.

(2)燒烤
兩個沙灘都有燒烤場, 塘福只得3個爐, 貝澳有6個爐, 而貝澳沙灘旁有一個很大的營地(超過50個位) 所以仲有好多燒烤位可以用, 不過假期比較滿! 天氣咁熱, 若選擇晚上燒烤的話, 建議選擇渡假屋連花園或露台可以燒烤的, 因為可以開著冷氣打開門涼下, 不過小心D蚊入咗屋, 咁你成晚就....! 注意: 塘福沙灘上那士多晚上不開門同埋冇燒烤嘢買. 貝澳因為有營地, 所以都算好多嘢買, 周末間士多仲開得好夜, 若你幫佢買炭, 佢可以幫你起爐, 因為士多旁邊就是燒烤位, 夠光猛, 仲有厠所同洗手地方, 好方便, 若果你兩個人, 跟本唔會燒好多嘢食, 建議去貝澳, 去到先至決定燒唔燒, 因為你地方唔熟路, 仲買一大堆嘢去會好辛苦, 三十幾度呀! 至於價錢, 兩個人食得幾多丫.

(3)玩樂
沙灘除了游水, 還可以放紙鳶, 貝澳有單車租, 塘福冇. 貝澳沙灘可以掘蜆同沙白, 塘福冇. 貝澳沙灘比較大, 風浪小一點, 塘福比較大浪一點, 不太適合初學者. 啊, 沙灘仲可以放狗!

除了以上個兩個地點, 你也可以選擇在梅窩旁邊的銀壙灣, 有成間酒店响度, 一定住得好D, 仲可以去大排檔食嘢. 又或者可以選擇去長洲, 若真的有需要, 再問我吧! 玩得開心D!

我之前去過塘福...
D屋就好大...
o個度就乜都冇得玩o既...
有個沙灘咁囉...
要BBQ就要向士多租爐...
所以我同D FD兩晚都係係屋企打邊爐...
唔好諗住有得踩單車...
不過唔錯o既...
都有唔少o既食肆...

貝澳亦是...
但詳情就唔多知...
只係我妹妹去過...