同男朋友相處係唔係有問題
2010-08-02 10:12 pm
我同男朋友拍拖2年，近呢幾個月鬧交特別多，差不多幾天就鬧一次，我性格急，佢就性格慢，最近佢成日話我由頭到尾都唔識得拍拖，話我講野太過份唔埋佢感受，當然鬧交時雙方既語氣都唔會太好，我承認我講既說話比較重，難道佢就無嗎?例如佢成日唔記得帶野，但前一晚我已經不停咁提左好多次，講到我自己都講得自己好煩，但佢依然會唔記帶，咁我都係講點解會成日都唔記得帶野呀之類既說話，佢竟然話我唔應該為咗咁小事而發脾氣同話佢，有時鬧交講番件事出嚟又話我記仇，但唔係一次半次，十次有九次都唔記得帶野喎，咁講佢又會要求我番那九次唔記得，講唔出又話我誇張，試問有邊個會咁記法等鬧交時講番出來呀?我唔明白點解做錯野既人係佢，反而係我被鬧，試過我同佢講話大家對事既觀點唔同溝通方法唔同，不同冷靜一下想清楚係唔係應該係埋齊，但佢話無得冷靜，只可以選擇分開或者一齊，我好想同佢一齊，但大家既觀點唔同好難改變，佢成日話我無為佢著想，只不過佢唔發覺，好似過時過節我都會買野送比佢屋企人，唔係話刻意討好，只不過我認為係對長輩既禮貎做總好過唔做，相反佢從來都唔會做呢d野，係試過初頭代我買野送比佢阿媽討佢歡心，而我屋企佢就唔會做，上年中秋節我都係用自己錢買月餅但用佢名義送比我屋企人，我有同佢講過呢方面既問題但佢認為唔需要咁做所以我都唔勉強，但就成日覺得我屋企好似好貪小便宜又講佢屋企就唔會，我同佢講我屋企無要求只不講你唔做人地認為你唔識人情世故都好正常姐，係唔係佢認為唔需要做既野而我做左都係等如無付出過呢?佢成日話我同其他人唔同，唔可以用正常溝通方法同我相處，咁正常溝通方法係以咩為準則?既然同我溝通唔到點解仲要同我一齊但又要不斷咁話呢樣個樣有問題?我唔想成日都鬧交，好想可以好好相處，可以用咩方法?
回答 (3)
2010-08-03 1:27 am
✔ 最佳答案
看得你都唔係想分手的，但又找不到很好的理由維持一齊。坦白講，你們其實己經進入好實在拍拖階段，即係唔係只係表面的浪漫和感覺，而是進到性格和處事層面。雖然你講不多，但說出來的應該便是你們以後的相處模式或結果。假如你今天已經不明白，將來也一樣。問題是你是否可以接受和不再問地跟他活在一起。
我不用跟你分析他性格和你的性格的分別，你也很清楚。正如他所言你們的關係就只有「一齊」和「不是一齊」這兩個「狀態」；他也很持守他的原則，當你不理他時，他只是實踐出他要「一齊」的行動；你要決定的也是「一齊」還是「不一齊」；不用嘗試分析自己對還是他對，那一個的邏輯才正確，那一種做法才合情理或前因後果，要問的反而是你認為會不會接受跟這樣的一個人「一齊」便可以了。
坦白講，相信你會找到一個欣賞你「提我記得帶東西」「過時過節買定禮物給我父母」「代我名義買埋給你父母」甚至「日鵝夜鵝」教我何謂人情世故，比他會找到一個給他看成「甚麼都不是」的女友容易。不過你也要留心你的「要求」人這種性格也會因著對象不同而對應地作出反應的。當那人沒有這樣缺點時你的地位也不會令你覺得成就「我說得對」這種心理補償。所以重要的改變是你對你自己「立場」的堅持，你便會找到出路，而不會互相為了唔認輸而「一齊」下去
2010-08-03 6:57 pm
個人意見:大多拍拖拍得耐的男女朋友都會咁樣,因為大家熟絡晒,你試下多d就下佢~ 唔知得唔得
2010-08-02 10:36 pm
其實你兩個既性格根本完全打哂卡，佢個人比較上主觀D，唔輸得既。除非你性格係可以就到佢天腳底，唔係真係有D難相處。
我個人覺得你地兩個唔係好岩再係埋一齊，加上佢連『只可以選擇分開或者一齊』E種咁既要求都提得出，你講D野佢又唔上心，我覺得佢唔係好重視你。
係唔係佢認為唔需要做既野而我做左都係等如無付出過呢?
我覺得佢本身就標籤左你冇付出過，就算佢知道你做左D乜野，佢心入面都唔會覺得係乜野。
咁正常溝通方法係以咩為準則?
E樣野根本冇準則，最緊要係兩個人既性格岩，但係你地兩個都比較上主觀D，特別係你男朋友。如果你地性格唔岩，就算點溝通都係衰收尾。
既然同我溝通唔到點解仲要同我一齊但又要不斷咁話呢樣個樣有問題?
佢都幾自我，多數既人覺得不滿就會好想鬧出黎，唔想停。E個都係我自己經歷過，當佢好不滿你E樣果樣，就會唔放手咁鬧咁埋怨，就算認哂衰仔又好，想同佢和好都好，佢最後都唔會覺得你做過D乜野‧‧‧。
我唔想成日都鬧交，好想可以好好相處，可以用咩方法?
一係你就就下佢啦，唔好出聲，咁佢開心，你都會開心啦。唔係既話真係散。
希望佢都可以明白你既苦心啦，每對情侶點都會有D嗌叫，希望你地可以過到E關啦。你要諗一樣野，為左要同佢一齊值唔值得忍住。如果你覺得值得既，恭喜哂=]!唔值得既話，考慮分手啦，咁大家過得仲舒服，可能佢都係想分手都唔定。
我唔知我E個建議幫唔幫到你，因為我近來同個好朋友都遇到差唔多既問題，我都知道要做我以上番話既野都幾...(唔知點講)。
加油呀=]！
我個人覺得你地兩個唔係好岩再係埋一齊，加上佢連『只可以選擇分開或者一齊』E種咁既要求都提得出，你講D野佢又唔上心，我覺得佢唔係好重視你。
係唔係佢認為唔需要做既野而我做左都係等如無付出過呢?
我覺得佢本身就標籤左你冇付出過，就算佢知道你做左D乜野，佢心入面都唔會覺得係乜野。
咁正常溝通方法係以咩為準則?
E樣野根本冇準則，最緊要係兩個人既性格岩，但係你地兩個都比較上主觀D，特別係你男朋友。如果你地性格唔岩，就算點溝通都係衰收尾。
既然同我溝通唔到點解仲要同我一齊但又要不斷咁話呢樣個樣有問題?
佢都幾自我，多數既人覺得不滿就會好想鬧出黎，唔想停。E個都係我自己經歷過，當佢好不滿你E樣果樣，就會唔放手咁鬧咁埋怨，就算認哂衰仔又好，想同佢和好都好，佢最後都唔會覺得你做過D乜野‧‧‧。
我唔想成日都鬧交，好想可以好好相處，可以用咩方法?
一係你就就下佢啦，唔好出聲，咁佢開心，你都會開心啦。唔係既話真係散。
希望佢都可以明白你既苦心啦，每對情侶點都會有D嗌叫，希望你地可以過到E關啦。你要諗一樣野，為左要同佢一齊值唔值得忍住。如果你覺得值得既，恭喜哂=]!唔值得既話，考慮分手啦，咁大家過得仲舒服，可能佢都係想分手都唔定。
我唔知我E個建議幫唔幫到你，因為我近來同個好朋友都遇到差唔多既問題，我都知道要做我以上番話既野都幾...(唔知點講)。
加油呀=]！
收錄日期: 2021-04-11 17:58:11
原文連結 [永久失效]:
https://hk.answers.yahoo.com/question/index?qid=20100802000051KK00830