8月中去意大利、瑞士、法國、梵蒂岡著咩衣服好?

1.8月份既歐洲跟香港相同是夏天，但冇香港咁熱。(因為快到秋天)
所以你必須帶備一件風褸+太陽眼鏡+一把遮。太陽可以晒到晚上10點幾先落山，凌晨4點幾就開始天光。
2.瑞士雪山上梗係凍啦，但唔駛帶羽絨。(帶件厚褸)
3.冇錯當地既水都算貴，尤其意大利呢個窮鬼國家。一支要成2個幾-3蚊歐羅，你話貴唔貴？一個面包都要10幾蚊港幣…好靚又好細個既tat都要賣上差不多4蚊歐羅，一件好大既Pizza就賣差不多7蚊歐羅。
不過呢點都係在旅遊區/油站先會賣咁既價錢，若果你到當地既超市就一定唔駛咁拿利。一支水/汽水都係幾蚊港子即，約6-8蚊左右。面包/朱古力/糖果都唔算貴跟香港差不多價錢。
由於太多教堂參觀，所以你可以唔睇一間，自己跟朋友到超市買野食。咁就唔駛咁浪費係旅遊區買水飲，超市都係旅遊區附近架。

意大利﹕冇野值得買。但梗硬買既話都有既，好似面具、玻璃製品、皮具還有出晒名既名牌手袋。
梵諦岡﹕郵票
法國﹕鵝肝醬、香水、名牌手袋(LV)
瑞士﹕朱古力、勞力士 (朱古力唔好咁蠢係專門店買，超市)，(勞力士店只開2小時咋，但唔值得買。雖然平過香港，但山高皇帝遠…萬一隻勞有問題都冇得追救。仲有佢地話就話有得退稅，其實都係岩人架。叫你填紙，話就會把退稅單寄給你…但一直都冇回音。(幾年啦)

歐洲同香港一樣都位於北半球, 當香港熱到飛起, 歐洲一樣會係夏天. 香港可以去到 30 幾度, 歐洲一樣得. 但歐洲比香港乾燥, 所以熱得比香港舒適.因為去歐洲, 參觀教堂係指定動作, 咁樣作為遊客請尊重當地文化同規定. 以梵蒂岡為例, 背心, TUBE TOP, 短褲, 熱褲, 短裙, 涼鞋, 拖鞋等等, 統統唔可以進入教堂. 唔好話著 BIRKENSXXXX 的鞋, 見後踭得唔得咁樣啦, 明嗎 ?雪山上當然會凍啦, 不過冇理由因為半日行程帶牛羽絨既. 如果我冇記錯, 山上其實係有厚衫租既...係歐洲, 飲品真係好貴. 一支普通既水, 係街買可能要 1.5 - 2 歐元... 無錯, 可以既話, 準備一個水樽. 大部份歐洲地區的水係可以直接飲用既...必買 ?? 對我黎講, 係冇野一定要買既... SORRY.