到底係我地錯定佢地錯?!

今日我地去富泰燒烤樂園燒野食,
我地帶左兩隻狗去,個場係俾狗入既,
我地揀左最入,附近冇乜人既爐黎燒,
一路都好地地咁燒緊野食。

無啦啦有個妹妹仔自己一個人行埋黎我地隻狗附近(我地隻兩狗係綁住既),
我地兩班人個爐都相差幾百米,
我地見到個妹妹行埋黎已經抱起左隻狗放上張櫈同埋捉住佢,
之後個妹妹仲越行越埋!個妹妹同張櫈只係得番2-3米距離!
咁所有狗既正常反應都會吠兩聲啦,我地隻狗絕對冇接觸到個妹妹!
個妹妹仔就喊,佢阿麻定唔知阿婆先行埋黎抱走佢。
我地好懷疑點解個妹妹走左黎咁遠佢地d家長都唔知,都唔睇實佢!

過左一陣妹妹個媽媽兇神惡殺咁行埋黎,話:「係咪呢隻!」
跟住就鬧我地:「你隻狗嚇親我個女喎!」
之後仲講哂粗口,又踢櫈,差小小就踢中我地!係咁鬧我地,
又話我地係狗又叫我地食狗屎,仲要話我地冇愛心,
其實都唔知有咩關係,冇愛心就唔會養狗啦-,-!
跟住佢地話報警,好,你要報警我地奉陪,
行到佢地個爐果邊,又有2個女人行出黎,加埋把咀鬧我地,
又鬧我地肥婆又話我地係狗又叫我地食狗屎,係咁人身攻擊,
跟住佢地有個男人行出黎分開我地,我地又有男人行出黎分開我地,
咁我地先停左,番黎我地個爐度繼續玩。

過左陣又有個男人行埋黎問我地係咪鬧佢老婆,
又嘈左幾句,個男人仲好惡咁問我地:「你地邊度架!」
之後又有幾個女人行埋黎加把咀,都係鬧我地狗呀食狗屎呀果d,
完全講唔到野,跟住又話報警,好,我地又等,過左陣都唔見警察黎,
咁我地又燒完玩完,就執野走人,差唔多行到出門口,有兩個男人好惡咁衝入黎,
佢地應該留意唔到我地,門口d職員叫住佢地,叫佢地俾錢,
佢地話唔係黎燒野食,咁我地費是搞事,上車開車走,
就見到問我地係咪鬧佢老婆果個男人行番黎,
仲擰一擰轉面望左望我地個車牌,
我地唔知佢地會唔會搞事!

咁既情況其實係我地唔岩定係佢地唔岩呢?
果班人又人身攻擊又唔睇實個小朋友又問我地邊度又恐嚇又踢櫈又講哂粗口咁。

雖然睇落好小事,篇野亦都幾長下,但都麻煩大家幫手分析下!