有關panasonic冷氣機 [[20點]]

其實如果您話部冷氣機要係幾乎0分貝，姐係冇機器運作既聲咁既話，我諗基本上冇任何冷氣機做到，因為咁樣先可以有效製冷，有細微既聲音係好正常，用左一段時間之後，噪音情況會更嚴重。

但係如果您細妹一定要咁樣既要求，建議您細妹喺間房度裝部1匹分體Panasonic冷氣機，因為我本人本身係進行水電工程研習既人，每年夏天都要買左好多款冷氣機喺工場度測試，以知道每部冷氣機牌子既特質。發現到每部一匹分體機調校至睡眠模式嗰陣，最安靜既冷氣機牌子係樂聲（樂信）﹑日立同通用電氣，大約只得20-30分貝左右；而以我同其他研究人員都有進行網上投票，發現最嘈係大金﹑珍寶（富士電機）同豐澤牌。

至於您所提及既冷氣機型號，其實呢3個型號既性能基本上都一樣，而變頻只係可以令室內環境保持喺調校左既範圍，噪音分貝量都差唔多。

此外，如果您細妹係覺得樂聲牌既室外機聲太嘈，可以裝番個隔音玻璃窗，反正您要裝新既分體機，舊既窗一般都要拆出黎。不過當然啦，一定比正常窗玻璃貴，呢點您要預左。

冷氣機一定有聲嘅，內有好多活動裝置，冇可能話冇聲，對嗎﹖